Chez Bistro (已結業)

见到网上面咁多好评，于是想系午餐嘅时段就上嚟试吓。今次拣左2-course既lunch set。Appetiser方面，我就拣咗汤，soup of day系南瓜汤，汤嘅味道非常之浓郁，非常creamy ，有少少好像好似食紧南瓜蓉咁，所以呢可以配上餐包一齐食。主菜方面，我今次就拣咗加拿大带骨豚配蒜香香草汁。一开始已经见到佢嘅卖相唔错，伴碟好精致，豚肉唔单止好大块仲非常之厚身，配上香草汁感觉会唔会非常干身，肉质亦都尚算乱嫩滑，个人呢好钟意食伴碟嘅薯仔，食落口有一种外脆内软嘅感觉，再配上烧左嘅蕃茄，感觉唔会好油腻。整间餐厅嘅比我嘅感觉系唔单止好阔落，坐系窗边阳光亦都好充足成间餐厅望落去非常之光猛，适合一班人系舒适地下午嘅时间倾吓计。下次中午时间如果想食好少少都会再嚟返呢一度。