怒茶巷 (已結業)

喺葵广行街，见到3楼呢度开咗间新嘅手摇饮品店。而家手摇饮品闲闲哋都要三、四十蚊！但见到呢度价钱好相宜，亦都有好多选择！有纯茶、果茶、鲜奶茶、芝士奶盖。呢度茶嘅size只有一个，就系500毫升。叫咗杯草莓柠檬四季春，草莓副产品经常性麻麻地，但呢度竟然有惊喜，佢唔系好假𠮶种药水甜味！而且再配埋柠檬酸酸地可以中和返！啱晒钟意饮茶而又想有啲新意思嘅朋友啦。另外仲叫咗杯芝士四季春茶，佢个芝士奶盖好厚身，好重奶味，唔会好快溶。茶底嘅茶味亦都够浓。饮到一半将芝士奶盖沟埋茶饮，反而冇咁饱饱济济！估唔到新开嘅铺都可以带来惊喜，下次黎嘅话仲想饮埋佢个鲜奶茶!