2021-04-23
58 浏览
琴日同两个朋友去完南生围,喺附近揾地方医肚,由于时间唔充足,所以以茶记为目标,上网揾见到Park Yoho 嘅金记,呢间连锁茶记我未试过,😌,咁梗系试下先。环境方面:环境几好,干净企理,应有嘅防疫操施齐嘅,我拣左个卡位坐,堂食。食物方面:我哋三个人,开初有个朋友话唔肚饿,所以我哋叫左2份,我食西冷,我老友就盐焗鸡,两个都跟餐加油菜,饮即磨咖啡。西冷,100蚊都唔使,但就大大块,肉质都嫩,抵食😋盐焗鸡,我老友俾左一旧我试,好滑㖞,又够味,同样几十蚊,精神㖞。即磨咖啡正常水准。而我唯少推介嘅,又最惊喜,系碟油菜,啲菜芯好新鲜,佢个豉油汁好好味呀,真系估佢唔到。当我个唔肚饿嘅老友听到我哋讲个油菜咁精神,佢就原价叫左一碟,份量多啲嘅,佢都赞不绝口,于是佢为食哋又叫少少嘢食,生炸鸡肶配薯条,佢食完之后,奇怪嘅事情出现左,就系佢食得好快,搅到我无得试下啲薯条😑,仲叫多份外卖鸡肶俾老婆,相信系好好食。🤔服务方面:服务好,有礼貌,喺附近拖完地主动提我哋经过要小心地滑👍总结:性价比高,环境舒适,遗憾未试只炸脾,下次去试返。😈闲日泊车优惠:消费满100免两小时。红日我就留意。🤧
环境方面:
环境几好,干净企理,应有嘅防疫操施齐嘅,我拣左个卡位坐,堂食。
食物方面:
我哋三个人,开初有个朋友话唔肚饿,所以我哋叫左2份,我食西冷,我老友就盐焗鸡,两个都跟餐加油菜,饮即磨咖啡。
西冷,100蚊都唔使,但就大大块,肉质都嫩,抵食😋
盐焗鸡,我老友俾左一旧我试,好滑㖞,又够味,同样几十蚊,精神㖞。
即磨咖啡正常水准。
而我唯少推介嘅,又最惊喜,系碟油菜,啲菜芯好新鲜,佢个豉油汁好好味呀,真系估佢唔到。
当我个唔肚饿嘅老友听到我哋讲个油菜咁精神,佢就原价叫左一碟,份量多啲嘅,佢都赞不绝口,于是佢为食哋又叫少少嘢食,生炸鸡肶配薯条,佢食完之后,奇怪嘅事情出现左,就系佢食得好快,搅到我无得试下啲薯条😑,仲叫多份外卖鸡肶俾老婆,相信系好好食。🤔
服务方面:
服务好,有礼貌,喺附近拖完地主动提我哋经过要小心地滑👍
总结:
性价比高,环境舒适,遗憾未试只炸脾,下次去试返。😈
闲日泊车优惠:消费满100免两小时。
红日我就留意。🤧
查看之前的留言 ()
张贴