祥榮餐廳

营业中

休息中

夜晚嚟咗红磡食dinner，黄埔出地铁站就系，地理位置十分方便，客人full晒，冇吉位，食到九点几先至少返啲人，睇嚟都几受欢迎。想赞吓呢度嘅是日餐汤。竟然提供红、白同中式汤，出边真系好少见，顶多得两款，一款都见过。忌廉汤浓稠度适中，creamy入味、罗宋汤比出边偏结结地，我就几钟意，酸酸甜甜，好味道。合掌瓜猪骨汤饮落滋润，有埋配料，增添口感。碟头炒可以自行选择配菜同主食，炒法分豉椒，菜远，凉瓜、肉类分牛肉，肉片，鸡球，排骨、煮食分白饭，炒河，炒面。我哋要咗凉瓜鸡球同菜远排骨炒河，面条炒至入味，软硬度适中、鸡球大块，嫩滑多汁、排骨肉味突出，两款各有千秋。最后叫埋上汤蒜子浸时蔬中和吓，感觉更加健康。汤底清甜可口，咸咸地，无味精，配饭一流。蔬菜新鲜，份量又多，腍身又入味，正。