影片
更多
2024-09-24
432 浏览
越来越多日本回转寿司店落户香港，先有寿司郎，后有はま寿司和鲜选寿司，前者巳抢占平价寿司半壁江山了，而后两者无以为继，はま寿司到现在开分店都衹闻楼梯响，而鲜选在一轮扩充后亦陆续结业剩下海之恋一间，现今香港经济低迷，两𩠌饭门庭若市，难得仲有日本公司还有雄心壮志进军香港，实在勇气可嘉。 正所谓新屎坑三日香，开张之日已经大排长龙，不过太古出名多日本人，喺呢度开店实冇输嘅，系唔知够唔够比舖租啫，到步之日才发现，楼上嘅板长已执笠了，一鸡死一鸡呜，且看呢度有乜特别先。 先讲环境，远看门面光鲜亮丽，比起日本店或台湾店的日本风格，多了一丝香港味道，少了一些日本味道，而食物方面，今日点了： 间八，味道清爽，带点鱼香，作为第一碟印象Ok 赤贝：爽脆鲜甜，很难想像呢碟嘢55蚊，扺食得黎新鲜 昆布渍平目鱼：好少有回转寿司店做呢啲功夫嘢，大概系将平目鱼放企昆布上，将昆布的旨昧渗入鱼中，通常系高级鮨店才会做，呢样嘢值得加分，平目的清爽加上昆布的味道，隐约食出鱼的旨味。 旨味平目鱼：在比目鱼上加上木鱼花，比起刚才的昆布渍更浓鱼味。 金目鲷：又系一款高级食材，到底我系咪食紧回转寿司
正所谓新屎坑三日香，开张之日已经大排长龙，不过太古出名多日本人，喺呢度开店实冇输嘅，系唔知够唔够比舖租啫，到步之日才发现，楼上嘅板长已执笠了，一鸡死一鸡呜，且看呢度有乜特别先。
先讲环境，远看门面光鲜亮丽，比起日本店或台湾店的日本风格，多了一丝香港味道，少了一些日本味道，而食物方面，今日点了：
间八，味道清爽，带点鱼香，作为第一碟印象Ok
赤贝：爽脆鲜甜，很难想像呢碟嘢55蚊，扺食得黎新鲜
昆布渍平目鱼：好少有回转寿司店做呢啲功夫嘢，大概系将平目鱼放企昆布上，将昆布的旨昧渗入鱼中，通常系高级鮨店才会做，呢样嘢值得加分，平目的清爽加上昆布的味道，隐约食出鱼的旨味。
旨味平目鱼：在比目鱼上加上木鱼花，比起刚才的昆布渍更浓鱼味。
金目鲷：又系一款高级食材，到底我系咪食紧回转寿司架！味道平均，系一件可以食多几件嘅寿司，用了汤霜皮造り的造法，将金目鲷的甜味引出来。
生北寄贝：味道鲜甜，比起赤贝冇咁爽，但佢嘅甜味比赤贝有过之而无不及。
酱油渍甜虾：呢个叫我唔使点豉油，虽然卖成30蚊，但虾身算大只，豉油咸甜适中，又系一道旨味之选。
纹甲乌贼柚子：在纹甲鱿鱼上加了点盐和柚子，将味蕾清新一番。
醋渍鲭鱼箱押：在鲭鱼上加上白板昆布，是一道很传统的江户前寿司，鲭鱼腌渍得宜，没有过度腌渍，加上昆布调和，食出东京湾鱼贩前的感觉。
特大熟虾寿司：呢个纯粹见佢写特大想睇佢有几大，味道唔错，冇乜特别调理，和之前那几道比了下去。
酱渍吞拿鱼：又系一道江户前寿司，酱油的腌渍将吞拿鱼的鱼味引发出来而又不会太咸是很难的，这里处理得唔错而呢道寿司更是本人的喜爱。
海胆：用的是日本马粪海胆，但唔算特别出色，考虑到佢价钱45蚊就一定收货啦，呢个虽然唔算最好，但冇臭味所以都欣赏佢嘅(本人很一讨厌食臭或苦的海胆)，算系合格。
仲有其他食物如：小肌，中吞拿鱼腩，鱼汤，炸竹轮乌冬，但呢度剩系可以出12张相所以出唔到。
小肌：呢个不过不失啦，喜欢食小肌嘅一试无妨。
中とろ：如果说吞拿鱼最喜爱部位，我的答案一定系中とろ，就好似叉烧嘅半肥瘦咁，又有鱼味又有鱼嘅脂肪。
鱼汤：鱼味好浓，好似乜鱼都喺晒里面咁。
总括黎讲呢间系唔错，从食物的制作可以看出师傅们的心机，听讲日本𠮶边会表演即场㓥鱼，唔知呢间会唔会呢？
张贴
