影片
更多
2024-11-15
780 浏览
之前喺新城市广场食嘢见到呢间门口有几十人等位，所以一路好奇有几好味。呢日订咗枱打风都照去食，未到六点钟已经差唔多满座，所以要食记得一定要订位！食完最大感想系佢性价比真系太高，质素唔错但比一般香港潮州菜平一半😳。唔怪得咁多人食啦。🌟金奖卤鹅拼盘 $128鹅片肥瘦均匀，系典型鹅肉嘅结实肉质，反而鹅颈嘅肉质就嫩得多。卤料味道偏甜口，食完唔口渴，亦唔会浓到遮咗鹅油香。🌟海鲜砂锅粥 $98咁大锅粥咁多海鲜竟然一百蚊都唔使。粥底好软绵，有淡淡嘅珍珠蚝味道。开边虾听讲系现开，食得出好新鲜。今次几道菜入面最钟意系呢款😍。🌟潮汕七样菜 $68七款蔬菜加普宁豆酱、肉碎再加汤煮成，感觉似清淡版嘅海味杂菜煲。🌟蒜蓉蒸贵妃蚌 $28/只贵妃蚌厚肉鲜嫩。虽然铺满大量蒜蓉，但系食落觉得调味唔算好重手，仲食到贵妃蚌本身嘅海水味。🌟芋圆仙草蜜 $25用嘅芋圆来货质素唔错。仙草偏向系凉粉𠮶种质地。我钟意佢超低嘅甜度。🌟莲子炖雪梨 $38雪梨味好浓好香😳，会令人谂起即冲即饮𠮶啲冰糖雪梨。
之前喺新城市广场食嘢见到呢间门口有几十人等位，所以一路好奇有几好味。呢日订咗枱打风都照去食，未到六点钟已经差唔多满座，所以要食记得一定要订位！
食完最大感想系佢性价比真系太高，质素唔错但比一般香港潮州菜平一半😳。唔怪得咁多人食啦。
🌟金奖卤鹅拼盘 $128
鹅片肥瘦均匀，系典型鹅肉嘅结实肉质，反而鹅颈嘅肉质就嫩得多。卤料味道偏甜口，食完唔口渴，亦唔会浓到遮咗鹅油香。
🌟海鲜砂锅粥 $98
咁大锅粥咁多海鲜竟然一百蚊都唔使。粥底好软绵，有淡淡嘅珍珠蚝味道。开边虾听讲系现开，食得出好新鲜。今次几道菜入面最钟意系呢款😍。
🌟潮汕七样菜 $68
七款蔬菜加普宁豆酱、肉碎再加汤煮成，感觉似清淡版嘅海味杂菜煲。
🌟蒜蓉蒸贵妃蚌 $28/只
贵妃蚌厚肉鲜嫩。虽然铺满大量蒜蓉，但系食落觉得调味唔算好重手，仲食到贵妃蚌本身嘅海水味。
🌟芋圆仙草蜜 $25
用嘅芋圆来货质素唔错。仙草偏向系凉粉𠮶种质地。我钟意佢超低嘅甜度。
🌟莲子炖雪梨 $38
雪梨味好浓好香😳，会令人谂起即冲即饮𠮶啲冰糖雪梨。
张贴
