青花汾

营业中

休息中

同邻居行山之前，揾咗呢一间食个early lunch。到店嘅时候佢都先啱啱开门仲惊佢未ready。点知店员超Nice，话可以随便入去。四个人嗌四个唔同嘅嘢食，跟住就可以互相share试多啲。叫咗镇江骨，猪软骨，甜酸鱼柳，同麻辣牛腱。我就自己转咗个面底做刀削面。 用砂锅嚟上，啲汤keep住热真系超出色，个汤有少少药材味，最后都系饮晒。𠮶镇江骨d汁稀咗少少，如果杰d可以挂汁就更加好。猪软骨啲软骨进入咗化境，一咬即化系正㗎。甜酸鱼柳个粉浆唔会做得太厚，酸甜度亦都刚刚好唔会过酸食到个胃揦住揦住。另外个麻辣牛腱就卤水味唔算有层次，但牛腱感觉健康啲，不过个麻辣汁浸住啲青瓜丝就咸咗少少。除咗呢一样之外整体上都系性价比极高。另外嗌咗个小云吞，细细口脆卜卜几特别。事次用餐为自费。