鄰居 (已結業)

12:30开门，准时去到已经有人等紧。餐厅有6张枱仔，无一阵就已经爆左，要排队了。星期一至五佢地有个$50 lunch set，包一个美式牛肉汉堡、薯条同一罐饮品。汉堡包包皮软熟，用牛油微微烘过，甜味，单食个包已经好好食。而块牛肉厚度适中，见佢都煎得几㶶下。不过单食都几咸，算叫有肉味，但干身，完全称唔上juicy。不过食汉堡包就梗系夹埋啲馅料一齐食㗎啦。个包甜甜地，旧牛就咸咸地，加埋其他配料，整体来讲平衡得几好。而跟餐薯条系厚切嘅粗薯条，面头洒上少少香草，唔怕太咸，几好食。呢个汉堡包餐都算几大份，对女仔来讲真系好饱。成个餐整体来讲性价比高，绝对系回头之选。