鮨秀 (已結業)

今日放假同老婆去咗铜锣湾食omakase 午餐，位置放便喺希慎广场附近.呢度嘅午餐定食有几款（9件寿司/12件寿司、几款唔同嘅海鲜丼）我哋唔系太肚饿所以拣咗寿司9贯。前菜系沙律同蒸蛋，蒸蛋有好香嘅冬菇味，蒸蛋嘅表面透明，有一层淡香冬菇味汁。沙律汁系自家制果味汁，酸酸甜甜定蔬菜更加好味。九件寿司各有特色：左口鱼、白间、油甘鱼、甜虾（剁碎左既甜虾加了鱼春、上面仲加左炸樱、北海道银雪鱼（新鲜，冇急冻过，食得出淡淡既油香）、酱油渍呑拿鱼（酱油渍将吞拿鱼表面嘅水份逼佢出嚟，令鱼嘅鲜味更加香，上面仲加咗渍物调味）、鱼子（师傅先清洗再调味，完全冇腥味仲好甘香）、北海道海胆（非常新鲜，每一件都非常清甜）、拖罗手卷（寿司饭加咗木鱼碎，拖罗嘅表面再加左天妇罗碎）。寿司饭加入赤醋，令到寿司嘅味道香浓冇需要再加任何调味。最后老婆拣咗面豉汤我就拣咗乌冬（涷），乌冬面条好食，口感唔错。最后甜品系焦糖雪糕同埋开心果雪糕，两款雪糕味道唔错尤其是系开心果味雪糕果味香浓。