叁嘗 (已結業)

天后都开了唔少餐厅，呢一间餐厅虽然距离站有2-3条街，但绝唔会影响到佢嘅人气，今次就试咗呢一间小店，店舖唔算好大，简简单单装修都已经好舒服，我今次拣咗午餐时间过嚟试吓，场内满座的，要等候一段时间才入座。-Set Lunch 包括沙律或餐汤及饮品美国安格斯牛肉芝士汉堡配薯条呢一个汉堡包比我想像中要大，而且牛味浓郁，生熟程度刚刚好，厚切得来又多汁，好有咬口，内里有片半溶芝士，再配上生菜蕃茄好清新又可以减低油腻感，汉堡包烘得很松软，所以上枱时热辣辣，仲搽上一层牛油，增添味道，先至于薯条炸得很香脆，又唔会有油腻感，整体好好味。-明太子蟹肉忌廉意粉明太子意粉一向系我最爱嘅，呢一款都好好味，有好香浓嘅忌廉，而且每一条意粉都挂满明太子忌廉，至于意粉嘅软硬度适中，面头仲有啲蟹肉，增加咗口感嘅层次。-跟餐会有餐汤或沙律，但天气太热了，我地都点了沙律，沙律很新鲜再配上黑醋汁，好清新很健康，而且酸酸地很开胃。-整体来讲，餐厅服务员很有善，很有礼貌，令人感觉好舒服，餐厅座位唔太多，但都够阔落，呢一间餐厅我会再encore。