影片
更多
2024-09-23
649 浏览
苹果洛神花茶（港女家姐）：酸酸甜甜，有阵阵嘅苹果香味，十分开胃。紫苏蜜香白牡丹茶：饮落有一种洋甘菊嘅味道，茶味醇厚清澈，但又不会太浓。茶具套装精致，店员主动帮忙加热水，服务唔错。忌廉南瓜汤：味道浓郁，口感顺滑绵密，感觉用咗足料同新鲜嘅南瓜。份量适中，唔会太大碗，如果唔系个肚冇位食其他嘢，哈哈。吉烈炸蚝：唔系讲笑，超级出色嘅炸蚝！好推荐俾大家。金黄酥脆的面衣调制得好好，而炸嘅时间又啱啱好，咬落去外脆内软，蚝肉鲜嫩多汁，形成良好的口感对比，点埋个七味粉配蛋黄酱，正到爆。樱花虾味噌大虾意粉：呢一道系卖相十分好嘅日意fusion 菜。采用扁意粉增加口感，而且煮得恰到好处，口感弹牙。香菇同味噌酱嘅加入为意粉增添咗深厚嘅鲜味，加埋樱花虾同大虾，鲜上加鲜。不得不提嘅系佢加入咗啲新鲜辣椒同小量辣椒粉，形成美妙的口感层次，惹味非常。香煎纽西兰肉眼扒：摆盘十分精致，煎制后肉质保持多汁，咬落去𠮶阵能够感受到肉汁喺口中散开，而且一啲都唔韧，呢啲就系煎得靓嘅扒！除咗配个烧汁，仲有我个人好钟意嘅黄芥末酱，正。雪糕与泡芙：泡芙外层有好似菠萝包嘅糖皮，而入面就系用咗红桑子定红莓嘅馅料，甜酸配搭得宜。而雪糕就够大球，个
酸酸甜甜，有阵阵嘅苹果香味，十分开胃。
紫苏蜜香白牡丹茶：
饮落有一种洋甘菊嘅味道，茶味醇厚清澈，但又不会太浓。
茶具套装精致，店员主动帮忙加热水，服务唔错。
忌廉南瓜汤：
味道浓郁，口感顺滑绵密，感觉用咗足料同新鲜嘅南瓜。份量适中，唔会太大碗，如果唔系个肚冇位食其他嘢，哈哈。
吉烈炸蚝：
唔系讲笑，超级出色嘅炸蚝！好推荐俾大家。金黄酥脆的面衣调制得好好，而炸嘅时间又啱啱好，咬落去外脆内软，蚝肉鲜嫩多汁，形成良好的口感对比，点埋个七味粉配蛋黄酱，正到爆。
樱花虾味噌大虾意粉：
呢一道系卖相十分好嘅日意fusion 菜。采用扁意粉增加口感，而且煮得恰到好处，口感弹牙。香菇同味噌酱嘅加入为意粉增添咗深厚嘅鲜味，加埋樱花虾同大虾，鲜上加鲜。不得不提嘅系佢加入咗啲新鲜辣椒同小量辣椒粉，形成美妙的口感层次，惹味非常。
香煎纽西兰肉眼扒：
摆盘十分精致，煎制后肉质保持多汁，咬落去𠮶阵能够感受到肉汁喺口中散开，而且一啲都唔韧，呢啲就系煎得靓嘅扒！除咗配个烧汁，仲有我个人好钟意嘅黄芥末酱，正。
雪糕与泡芙：
泡芙外层有好似菠萝包嘅糖皮，而入面就系用咗红桑子定红莓嘅馅料，甜酸配搭得宜。而雪糕就够大球，个人更推荐榴梿味，榴梿香气十足。
张贴
