影片
更多
2020-11-03
2210 浏览
对上一次出嚟旺角食饭已经喺年初细佬嘅生日饭，一来觉得旺角太多人，二来由于疫情关系，就更加避咗啲人多嘅地区。今次若非出嚟旺角买嘢，恐怕都未有过嚟呢边嘅机会，完成任务，经过这家糖水铺「仁芝初」，觉得个名几得意，加上晌门口睇睇，卖嘅都喺较传统嘅糖水，定价又算相宜，就食碗糖水先走。其实，晌门口已经睇到内笼唔大，都喺十零个位，查实食糖水嘅人流转数快，加上会有唔少外卖生意，都真喺唔需要太大地方。实际上，主要都喺二人枱为主，最有趣相信喺店主啲英雄模型珍藏，放咗唔少晌墙上，骤眼睇真喺唔似糖水铺。小弟就几钟意佢哋张餐牌，面页嘅灰底暗花好有本土味，都喺日常见到嘅物件；而内页嘅糖水款式，全以手绘出各款糖水，且画得甚像真、甚有个性。冰糖炖木瓜 $28秋风起，有啲凉意，想润啲，就试咗款炖木瓜，不过，讲真吖，卖得$28都唔会真喺炖出嚟。然而，入口糖水嘅感觉都算清润，又无过甜，而木瓜味道清甜，确喺秋凉嘅佳选。蛋花马蹄露 $26好耐无见过呢款怀旧嘅糖水，所以，买碗返去俾老婆试试，再者，外卖有9折嘛，而外卖非用胶碗，而用上较环保，但成本较贵且嘅纸碗，抵赞。至于个糖水，蛋花打得靓仔，马蹄又切成细粒，爽口清甜，都好食。依家
其实，晌门口已经睇到内笼唔大，都喺十零个位，查实食糖水嘅人流转数快，加上会有唔少外卖生意，都真喺唔需要太大地方。实际上，主要都喺二人枱为主，最有趣相信喺店主啲英雄模型珍藏，放咗唔少晌墙上，骤眼睇真喺唔似糖水铺。
小弟就几钟意佢哋张餐牌，面页嘅灰底暗花好有本土味，都喺日常见到嘅物件；而内页嘅糖水款式，全以手绘出各款糖水，且画得甚像真、甚有个性。
冰糖炖木瓜 $28秋风起，有啲凉意，想润啲，就试咗款炖木瓜，不过，讲真吖，卖得$28都唔会真喺炖出嚟。然而，入口糖水嘅感觉都算清润，又无过甜，而木瓜味道清甜，确喺秋凉嘅佳选。
蛋花马蹄露 $26好耐无见过呢款怀旧嘅糖水，所以，买碗返去俾老婆试试，再者，外卖有9折嘛，而外卖非用胶碗，而用上较环保，但成本较贵且嘅纸碗，抵赞。至于个糖水，蛋花打得靓仔，马蹄又切成细粒，爽口清甜，都好食。
依家卖呢类传统糖水嘅铺头可谓卖少见少喇，年轻一辈亦未必欣赏，但人始终钟意食嘢，尤其好嘢，所以，我成日讲，只要食物做得好，总有翻头客，生意先长做长有。
张贴
