薄餅怪獸

营业中

休息中

好似好耐冇同啲好姊妹食饭，今晚趁呢位好姊妹做完运动梗系要带佢食餐劲㗎啦。其实呢间餐厅喺佢屋企附近佢想试好耐㗎喇，而我就比佢个招牌吸引到。入到去佢主打系食pizza所以有好多唔同嘅款式俾你拣，最特别嘅系原来呢度你可以要求佢帮你整做心心Pizza，啱晒情侣拍拖嚟表下白。但我哋今晚就嗌左个普通嘅圆形细Pizza，特色吞拿鱼。细细个嘅份量啱啱好，满满嘅芝士厚厚嘅饼底，见到都觉得好足料，真系啖啖吞拿鱼。另外我哋嗌咗佢两件招牌炸鸡嚟试吓，睇到佢炸到脆卜卜咁，真系好有罪恶咁㗎。一切开仲好Juicy 添。另外我哋仲嗌多咗个猪扒焗饭，今次真系嗌多咗，因为其实食完pizza加炸鸡都已经饱饱地。好彩佢每样嘢嘅份量唔会太多，但系就一定好足料，满满嘅芝士绝对唔会少。