民豐粉麵行

营业中

休息中

今日行经荃湾，见到好多人排队，一于试下，点知中大伏。今日买咗韮菜饼，白菜猪肉水饺同鸳鸯汤圆。先讲白菜猪肉水饺，皮好厚，第一次买生饺咁厚皮，食嘅时候，肉仲有阵怪味，我会形容为有小小枧定清洁剂味，唯一赞赏系白菜都脆嘅，口感几好。友人评价，皮厚肉烂，唔好食。鸳鸯汤圆绝对系大伏！鸳鸯汤圆系芝麻同花生汤圆各一半。芝麻汤圆完全无芝麻香！无芝麻香！无芝麻香而且都系有怪味，朋友话喺㶶味。花生汤圆最恐怖😱😱😱我形容系有生猪肉嘅味，我估计系用动物油，导致有残余嘅怪味，超难食。总括嚟讲，求其买一包包装汤圆都好食过佢！绝对系食过最难食嘅汤圆，5分最高分，会比负分。韮菜饼皮厚，韮菜味正常，14蚊一个，不太推荐。总结，无下次，想挑战下限建议一试。