Monster Sushi (已結業)

见网上对Monster Sushi的食评好坏参半，左谂右谂，都系决定自己来试一试。7:30pm左右去到门口好多人等紧，不过星期五晚去边度食都系要等(无人等都未必去)，咪攞张飞等吓先，比想像中快，只系等咗30分钟就有位，我哋坐回转枱可以睇住师傅整寿司，场内装饰几靓不过回转带上嘅寿司唔多，都系落单叫啦，先来了一个呢度主打嘅寿司，叫做Monster寿司，其实系帆立贝加海胆仲有三文鱼籽(好丰富)，味道亦相当唔错，仲有成日有食家推介嘅鳗鱼玉子，味道ok，不过鳗鱼有少许细骨，呢个辣汁三文鱼卷相当好味，啲辣汁个味同烧过嘅三文鱼好夹，海胆个样好饱满，味道一般，一口豚有啲肥，不过沾咗柚子盐就中和返，不过唔好食太多有排减肥，总括来讲几好味，而且服务亦好好，都唔洗叫服务员都好主动不停替我加茶，临走时我漏咗个纸袋，个女子仲追出来俾返我，令我感觉好好，我一定会再来食过。