Noodies (已結業)

上星期去开西环，谂住试新野啦，上OP见到个喇沙好似好正咁，咁知一揾地图，离我身处地点有啲远，就无去食。今日刚好又系西环，又肚饿，就系附近揾野食，谂住食阿元，点知佢renovation wow！望过对面就见到呢间之前想食既，即刻入去坐低同叫个喇沙。由于太饿，食，无影相。食物：完全唔系喇沙，点讲好，由于我大肚，叫左小辣。个面一黎，就知lai 野，白色既？！好，唔好先入为主，饮啖汤先，汤底无虾味，太清，唔系你食开果只喇沙！劲失望！ 豆腐卜太硬，好似无煮咁，唔入味，无啦啦碗面有两粒云吞，见老公碗都有，应该系跟面送既，唔洗加钱，可惜入面只系猪肉，咩都无，实的的既猪肉饺，你唔会想食多次。同行老公叫左个无少辣喇沙，面既颜色系正常返，有辣油系面，橙橙地色。我试左一啖，辣啲，但汤底一样。佢食食下就同我讲，个乌冬未煮好（可以拣唔同面，佢要左乌冬），啲乌冬仲「痴」住一旧。店主同员工都好nice,可惜店主可能走fusion 挂，我真心唔识欣赏，改进空间大左啲啰。