Shelly Cake Express

营业中

休息中

行到黎榕树湾，点都要揾个地方坐坐先上船。search南丫岛食店，第一页见到呢间，名物系豆腐芝士饼，阿婆豆腐花食过几次，呢到既豆腐芝士饼未试过，又试下。小店一间，得十个位，要等一等，不过一场黎到，亦唔想再行，等一等就等一等。蛋糕味道由轻至重，都要七八款，要两款淡味一款重味。先黎系招牌野，豆腐芝士饼，豆味淡淡稍为给芝士味味抢去，饼底反而几好，不过个人觉得薄身左d。另一款轻味要左西柚乳酪，西柚味同乳酪味都几出，不过就偏向酸味多一点。重味的系香蕉芝士蛋糕，实实的带有强劲蕉味，水准不错的一款。三款之中，我既首选系香蕉芝士蛋糕。饮品就好一般，图片分享下。友人亦买左伯爵曲奇，无试到，不过好似都唔错。走既时候发现原来得一个人serve十枱客，又介绍又落单又切饼又冲野饮又收钱，真厉害，服务真系无得顶。虽然饮品都系唔多满意，不过几款蛋糕，都有一款系满意，服务又好，还是可以给个笑脸。