影片
更多
2023-02-07
74 浏览
我记得大约一年前经过上环乐古道，见到云云嘅古董店之中有间新开嘅餐厅，名叫「Le Galet荼香」。从透明大玻璃外望入去，隐约见到别具特色嘅装潢。但再望多眼，发现门口写住预约日期已经系几个月之后😅。直至最近再次行经，心血来潮问吓冇冇位，点知订到枱平日食晏㖞。事隔一年，终于有机会踏进呢间「艺术馆」内用餐🏛。餐厅环境同外面睇不一样，佢面积唔大，不过原来设有两层，又或者应该话系楼底高嘅阁楼？厨房类似系半开放式，我坐上层就可远眺厨师嘅制作过程👨🏻🍳。店内装修平淡得嚟，带点华丽✨，佢就好似外国啲艺术馆咁，唔同位置都摆放咗复古家具、雕塑同花樽以及挂画，不过就唔会摆得好密集，所以整体氛围系轻松嘅。餐厅设有午市套餐Lunch Menu🍽，两道菜Two Course以及三道菜Three Course，分别定价为$188同$218，饮品同甜品要另外再加钱。我认为定价稍高，但第一次嚟可以试吓午餐先，因为晚市Tasting Menu仲贵。Starter 1: Kale Salad with Avocado and Mushroom，🥗沙律用上羽衣甘蓝为菜底，醋汁唔酸，并配以牛油果、车厘茄同香菇，后者几特别，因
我记得大约一年前经过上环乐古道，见到云云嘅古董店之中有间新开嘅餐厅，名叫「Le Galet荼香」。从透明大玻璃外望入去，隐约见到别具特色嘅装潢。但再望多眼，发现门口写住预约日期已经系几个月之后😅。
直至最近再次行经，心血来潮问吓冇冇位，点知订到枱平日食晏㖞。事隔一年，终于有机会踏进呢间「艺术馆」内用餐🏛。
餐厅环境同外面睇不一样，佢面积唔大，不过原来设有两层，又或者应该话系楼底高嘅阁楼？厨房类似系半开放式，我坐上层就可远眺厨师嘅制作过程👨🏻🍳。
店内装修平淡得嚟，带点华丽✨，佢就好似外国啲艺术馆咁，唔同位置都摆放咗复古家具、雕塑同花樽以及挂画，不过就唔会摆得好密集，所以整体氛围系轻松嘅。
餐厅设有午市套餐Lunch Menu🍽，两道菜Two Course以及三道菜Three Course，分别定价为$188同$218，饮品同甜品要另外再加钱。我认为定价稍高，但第一次嚟可以试吓午餐先，因为晚市Tasting Menu仲贵。
Starter 1: Kale Salad with Avocado and Mushroom，🥗沙律用上羽衣甘蓝为菜底，醋汁唔酸，并配以牛油果、车厘茄同香菇，后者几特别，因为晒干晒，但一咬发现香气比起新鲜嘅菇更突出。
Caprese Skewed with Balsamic Vinegar
2 浏览
0 赞好
0 留言
Soup: Carrot and Orange Cream Soup，是日餐汤系萝卜忌廉汤。🥕除咗红萝卜之外，厨师亦落咗好多其他蔬菜一齐煲，我饮得出轻轻西芹味。同时，汤品仲渗出橙香，味道自然，感觉新颖。
Prime Sirloin with Roasted Garlic Sweet Potato and Beef Jus
5 浏览
0 赞好
0 留言
Main Course 1: Prime Sirloin with Roasted Garlic Sweet Potato and Beef Jus(+$88)，店员建议我哋牛扒要三成熟Medium Rare，🥩出到嚟果然见到肉芯呈嫩粉红色，食落充满肉汁，但又唔会渗血水。牛扒并非一般扒房原件咁上，反而系切开咗两小件，不过胜在肉扒够厚。伴菜有烧蒜头同用三色甜薯整成嘅千层薯饼🍠，两样都甜甜的。
Pan-seared Fish Fillet with Seasonal Vegetables, Shimeji Mushroom and Lemon Butter Sauce
2 浏览
0 赞好
0 留言
Main Course 2: Pan-seared Fish Fillet with Seasonal Vegetables, Shimeji Mushroom and Lemon Butter Sauce(+$48)，🐟烧鱼用上海鲈鱼Seabass，鱼皮煎香脆，鱼肉热辣辣，富鲜味，肉质既结实又滑溜。酱汁系柠檬牛油汁🍋，原本以为系忌廉状，点知呈透明，仲意外地清新；而伴菜就采用咗日本本菇🍄同芦笋。
Daily Dessert: Panna Cotta(+$38)，作为饭后甜品嘅奶冻好大个🍮，我同朋友Share食啱啱好。奶冻牛奶味突出，口感比较浓厚，甜度适中，配上士多啤梨🍓，简简单单，美味唔花巧。
总括喺讲，喺放假嘅日子食咗一顿令人愉快嘅午餐，确系有优哉游哉嘅感觉😊。店员们服务态度亲切，每道菜定必作详细介绍，而且亦会细心留意客人用餐嘅速度先上菜，抵赞👍。
张贴
