影片
更多
2019-05-02
1312 浏览
之前我去食过越南菜同西餐，对于佢地食物嘅水准我100％安心～哈哈！今次大长征去到中环店！听讲佢系银杏馆第一间铺～位置起歌赋街，附近有PMQ，远少少有新打卡点－大馆，其实几岩同朋友去行下影下相，之后上去食野～起鸭巴甸街转入去，右转歌赋街直行到近街尾位置就到，其实离远都会见到佢有一个易拉架放左出门口，中环店有两层，唔知系咪因为中环本身都系个中西汇集嘅地方，哩间铺外型都几中西融合，用左霓虹灯整左个Gingko House，无错～就系银杏馆嘅英文名！今次订咗个「花馔套餐」~同朋友一行两人所以就拣左无饭个款～入面我最期待嘅系桂花鸡同香酥骨！桂花鸡真系鸡又有鸡味～桂花有桂花味～唔系讲笑，啖啖嫩滑鸡肉，渗出清香桂花味！而有机洛神花冰梅香酥骨～系我同朋友一致好评！本身我就好钟意洛神花嘅制品，加入去香酥骨道煮，真系无得顶！香脆！酸甜！开胃！肉骨比例平均～钟意"吮"骨头嘅朋友一定赞！另外仲有翡翠菊花鱼卷同翠塘菊花扒有机豆腐。两款都拣咗以菊花入馔，菊花清香，配清淡菜式就唔怕抢味，鱼卷上面放咗蟹籽呀，加埋个蛋白茨汁，鱼肉嫩滑唔腥！翠塘豆腐就好多料～有虾粒菇粒元贝粒！其实配饭真系一流，但套餐本身已经好多款菜，为
起鸭巴甸街转入去，右转歌赋街直行到近街尾位置就到，其实离远都会见到佢有一个易拉架放左出门口，中环店有两层，唔知系咪因为中环本身都系个中西汇集嘅地方，哩间铺外型都几中西融合，用左霓虹灯整左个Gingko House，无错～就系银杏馆嘅英文名！
今次订咗个「花馔套餐」~同朋友一行两人所以就拣左无饭个款～入面我最期待嘅系桂花鸡同香酥骨！桂花鸡真系鸡又有鸡味～桂花有桂花味～唔系讲笑，啖啖嫩滑鸡肉，渗出清香桂花味！
桂花鸡
39 浏览
0 赞好
0 留言
而有机洛神花冰梅香酥骨～系我同朋友一致好评！本身我就好钟意洛神花嘅制品，加入去香酥骨道煮，真系无得顶！香脆！酸甜！开胃！肉骨比例平均～钟意"吮"骨头嘅朋友一定赞！
有机洛神花冰梅香酥骨
53 浏览
0 赞好
0 留言
另外仲有翡翠菊花鱼卷同翠塘菊花扒有机豆腐。两款都拣咗以菊花入馔，菊花清香，配清淡菜式就唔怕抢味，鱼卷上面放咗蟹籽呀，加埋个蛋白茨汁，鱼肉嫩滑唔腥！
翡翠菊花鱼卷
38 浏览
0 赞好
0 留言
翠塘豆腐就好多料～有虾粒菇粒元贝粒！其实配饭真系一流，但套餐本身已经好多款菜，为咗唔好浪费，我地都唔敢叫白饭，哈哈！
翠塘菊花扒有机豆腐
32 浏览
0 赞好
0 留言
入面仲有款茉莉花京葱孜然牛柳，重口味嘅朋友就岩哂！牛柳最怕煮过龙～师傅就煮得岩岩好～肉质淋～唔会好韧口！
茉莉花京葱孜然牛柳
16 浏览
0 赞好
0 留言
啊～仲有一入嚟就有花茶同虫草花怀杞水鸭汤！水鸭汤系盅上，原汁原味！好想再要多盅！花茶系乌龙茶，茶壶入面好多花～哈哈！好似个花园仔呀～其实佢款款菜都有食用花，成件事都真系好"花花世界"～
迎宾花茶
8 浏览
0 赞好
0 留言
虫草花怀杞水鸭汤
17 浏览
0 赞好
0 留言
最后系饭后甜品－相思红豆杞子桂花糕～唔系太甜，桂花糕入面包住红豆同杞子，杞子明目～大大粒好好味～本身个粽亦好香桂花味，为整个套餐画上完美句号！
相思红豆杞子桂花糕
8 浏览
0 赞好
0 留言
整体来说，份量大用料足，一定食完好满足！花嘅主题都好明显，因为佢地用咗食用花入馔，本身起烹调嘅时候都加入左花去烹调，所以有啲菜式都有花香味道，味道较淡的都可以同食用花夹埋酱汁去食，唔会有违和感～
张贴
