大呷台灣 (已結業)

大呷台湾，位于中环威灵顿街，过年谂住食得萝卜糕多，嚟食下台湾嘢，点知完全画伏，个人认为属于恐怖难食，慎入。首先，$83炸猪扒新竹米粉，块炸猪排完全无味，外脆无味肉死实实，碗新竹米粉就更精彩，完全无味，系连个汤都真系无味，食左一啖就放弃。$83真系属于灾难级抢钱，自己煲碗公仔面都一定好食过呢碗野。仲话系台湾新竹米粉？？$78古早味蚵仔煎，浆粉多过料，细细只迷你蚵仔，但连普通台湾街边车仔档都好过呢间，反转个蚵仔煎就见到完全无料。一惨再惨。$58肉燥饭伴糖心鸭蛋，肉燥饭味道算极普通正常质素，但只糖心鸭蛋系冰冻的，注意冰冻的，应该刚刚系厨房雪柜拎出嚟。饮品方面就更加精彩，叫左一杯冻椰香古早珍珠奶茶，拎出来个阵系热椰奶加冰，杯冰溶晒之后，杯野系无味，最奇怪系明明系珍珠奶茶，但杯野系无奶茶，实在差到忍唔住叫店员换过杯普通珍珠奶茶就算。伏仲未完..$33桂花乌龙冷泡茶，餐厅比一个茶包+冻水，完。总结，$308食左一肚火，一生不会再嚟。