影片
更多
2006-12-24
5 浏览
老细嫁女请饮,小薯仔员工都有份去赠庆一番。地方楼底高已经系酒楼卖点之一,加上巨型水晶灯高高挂,的确几够气派;经过一般婚宴应有程序之后,上菜lu.....金箔乳猪全体:传统闪闪灯乳猪皮好脆,加上点点金箔增加贵气,大部份肥肉已经去除而且无骨,配埋软熟饼皮、甜酱一齐食,胃口大开。鲜露笋炒鸳鸯蚌:2种蚌一款爽口一款淋身,鲜露笋幼嫩无渣,伴炒三色椒都好甜,连小朋友都钟意;呢个菜造型几特别,有茄子雕花之外,仲有炸面团、薯蓉伴碟,前者味道似牛脷酥,香口但饱肚;后者味道香滑只嫌稍冻,如果可以热d就太好。如意吉祥炒虾球:大虾球新鲜爽口,配上甜美蜜糖豆同炒,简简单单但好味道。凤凰瑶柱甫:等于饮宴必备菜式蒜子发菜瑶柱甫,发菜可能系水云,因为质感较滑,今次用蛋皮卷成发菜卷,再加上蟹子点缀,视觉上就靓好多,瑶柱甫好大粒,煮得好入味;加上青绿豆苗,食落就清爽好多。肘子炖排翅:一大件肘子加上半只鸡所炖既汤,好浓好香,排翅份量都好多,每碗都可以装得满满;炖完汤既肘子都上桌,仍然好够味道,同台前辈食唔停口。原只南非鲍扣花胶:每人一只原只鲍鱼,虽然唔系溏心但口感烟靭;花胶一向非我所好,几好食对我黎讲都只系无大好感,呢碟𩠌
地方楼底高已经系酒楼卖点之一,加上巨型水晶灯高高挂,的确几够气派;经过一般婚宴应有程序之后,上菜lu.....
金箔乳猪全体:传统闪闪灯乳猪皮好脆,加上点点金箔增加贵气,大部份肥肉已经去除而且无骨,配埋软熟饼皮、甜酱一齐食,胃口大开。
鲜露笋炒鸳鸯蚌:2种蚌一款爽口一款淋身,鲜露笋幼嫩无渣,伴炒三色椒都好甜,连小朋友都钟意;呢个菜造型几特别,有茄子雕花之外,仲有炸面团、薯蓉伴碟,前者味道似牛脷酥,香口但饱肚;后者味道香滑只嫌稍冻,如果可以热d就太好。
如意吉祥炒虾球:大虾球新鲜爽口,配上甜美蜜糖豆同炒,简简单单但好味道。
凤凰瑶柱甫:等于饮宴必备菜式蒜子发菜瑶柱甫,发菜可能系水云,因为质感较滑,今次用蛋皮卷成发菜卷,再加上蟹子点缀,视觉上就靓好多,瑶柱甫好大粒,煮得好入味;加上青绿豆苗,食落就清爽好多。
肘子炖排翅:一大件肘子加上半只鸡所炖既汤,好浓好香,排翅份量都好多,每碗都可以装得满满;炖完汤既肘子都上桌,仍然好够味道,同台前辈食唔停口。
原只南非鲍扣花胶:每人一只原只鲍鱼,虽然唔系溏心但口感烟靭;花胶一向非我所好,几好食对我黎讲都只系无大好感,呢碟𩠌胶质好重,食完非常立口,幸好有爽脆生菜中和至无咁漏。
清蒸东星斑:大大条东星蒸得稍为过火,所以鱼肉唔太滑,不过豉油味道几好,通常我系假意食d鱼去饮呢d好味豉油=p
呈祥脆皮鸡:外皮炸得卜卜脆,外表非常吸引!鸡味唔太重,对爱鸡狂如我就唔介意,好处系炸得够熟,唔会生勾勾有血水。不过呢度师傅刀章麻麻,无论乳猪/鸡都斩唔断,夹得唔太方便。
黄金煎伊面:面条好幼,唔多似伊面!外面煎得够脆但里面较湿,加上酸酸黑醋,味道ok,唯一系潮菜既菜式。
金银瑶柱炒饭:唯一无试菜式,见到好多瑶柱丝,但已经唔想再食饭。
百年偕好合:莲子百合红豆沙煲得好绵,陈皮味重得有d过份,大家怀疑系咪将陈皮(橙皮?!)打碎之后加入糖水内。
永结喜同心:双色水品包+芝麻小煎堆;前者晶莹剔透,莲蓉/豆沙甜到入心,后者又系无试,因为已经吞唔落了!!
婚宴系开心事,当然要俾笑面^_^
张贴
