La Terrasse by ÉPURE (已結業)

同男朋友周年纪念，想食法国菜，见呢道又有景，set dinner价钱又合理就第一次来。Service系超好，包括有笑容，主动，细心，仲有帮客人影相技术已经好熟，知道咩角度好。厉害！叫两个3courses set dinner, 头盘法国蜗牛，仲有carpaccio ! 2个都好清新，不会肥ge感觉，略嫌carpaccio牛味争少少。但份量适中，不错！值得一赞加左少少沙津菜，系十分加分。试过食carpaccio 可以系好多油，但呢个无。配埋cheese仲有一粒粒唔肯定系咩，但脆口的，成件事口感好丰富。Main course食 Rib, 仲有龙虾意粉。唔记得影相。rib煮到好淋身，好好食。龙虾意粉唔系原只龙虾上，但胜在啖啖肉，如上意粉煮得刚刚好，有口感，配蕃茄酱好食。但份量比我预期中细少少啦餐厅知我们anniversary 仲送马卡龙俾我地！仲要系4粒唔同味道。全部都不会过甜！呢间餐厅真系物超所值，计埋饮品，2人900元埋单。食完系好开心，因为无论口感，配搭，份量所有都恰到好处。我觉得直头已达到fine dine咁好。系尖沙咀，对住维港，100分service，讲真呢个价钱，真心推介。