Outback Steakhouse (東薈城名店倉)

营业中

休息中

机缘巧合下同朋友去东荟城行街，咁啱就见到呢一间装修非常有个人格调嘅餐厅。入座之后整体环境会令人感到好舒服，轻快嘅音乐加上电视播榄球比赛嘅片段都几有澳洲嘅风格。我同我朋友叫咗两个午餐，分别系烧肉酱味猪肋骨同埋香草蕃茄海鲜意粉。首先，我要赞吓佢嘅忌廉汤！个汤软绵绵非常好饮👍🏻👍🏻，而且佢个餐包好有咬感，比嘅份量亦都好足！食完个餐包同埋饮完个忌廉汤都有啲饱饱地😂😂主菜系烧肉酱味猪肋骨，肉地好丰厚，配搭埋佢嘅烧肉酱汁非常好食，额外再有薯条，作为配菜，系非常好嘅配搭👍🏻👍🏻！第二个主菜系香草蕃茄海鲜意粉，味道好好，浓浓嘅海鲜味加上蕃茄味令到成个意粉食起上嚟更加开胃👍🏻👍🏻✨✨唯一有少少瑕疵就系佢嘅咖啡唔系太好饮，其他嚟讲都系一级水准✨👍🏻。