逸翠軒點心專門店 (已結業)

晚市食饭，真系好少会走入茶楼，因为已经将茶楼定型为早茶、午市既时段先会入去，食点心、饮杯茶，今日好破天荒地，系到食左个晚市。门面装潢都好大气，以黄、金作为主调，颇华丽。而入面空间好大，座位同枱与枱之间既距离都令人感觉舒服，走华丽格调，卫生情况当然都好很多。睇睇点心纸，幸好系尖沙咀地段，价格都唔会太离地，价格同新式、特式点心铺差唔多点心当然好不免虾饺。逸翠鲜虾饺 –特别在有2种饺皮，绿色果款加入左菠菜。开头我以为系得个样，但真系食得出淡淡既菠菜味，又几真材实料WO，虾唔算大粒，但都几弹而且肉涵有少许肉汁，都好少见，不错。百花𫗵鱼肚 – 好少见既传统点心，鱼肚爽，吸满汁，就变到好有鲜味。流沙奶皇包 – 这可是招牌菜喔，热腾腾的，非常吸引，一打开，流沙即刻流出，半稠而且带咸香，真的不凡。凤爪排骨饭 – 晚饭当然要有饱肚之物凤爪、排骨都唔小，平时酒楼只会有2只凤爪，呢到有成4只，饭都有两倍，性价比高。