Odelice! (蘭杜街)

营业中

休息中

就到万圣节谂住同朋友一齐去主题乐园玩，可惜唔够脚就变咗同男友两人枱脚，哈哈。所以决定食完饭就过隔离太古广场睇场电影。 知道附近嘅ODELICE风评唔错，就早少少过黎食个晚餐。 前菜点咗Tuna Carpaccio。厚切鱼片用上大量黑胡椒包裹腌制，所以辛香味好重。轻轻炙烧过表面令鱼肉更有口感，配上微酸酱汁的确几醒胃。 U.S. Steak Linguine。牛扒点左五成熟都恰到好处，肉味几重。意粉酱汁都系常见嘅蒜片蕃茄酱，但因为蒜油多嘅关系食落更香浓。酱汁唔会水汪汪挂面程度刚好，而且份量都多两个人分食就对了。 Foie Gras, U.S. Beef Rossini。牛肉都系五成熟但体积都有成两吋厚，所以出黎效果更腍更软肉汁十分丰富。边边位煎焗得焦香更提味。 而薯蓉奶香细滑，食时仍有粒粒未完全压烂嘅薯仔颗粒，配上咸香牛肉所以好好食。伴菜嘅细洋葱焗得香甜，只有一粒就可借咗啲啲了。 Avocado, Apple and Spinach Juice。男友唔饮得，就点咗杯果汁俾佢。即场鲜榨嘅青苹果汁十分香甜，配上牛油果味道的确不错。亦能减低油腻感。 Rafael- Red(Glass)。