影片
更多
2016-05-06
1465 浏览
有时真喺好奇，有啲地方菜式平日好少食，唔喺唔钟意，只喺朋友少拣，就好似德国菜，其实过往几年都无乜点接触，继年初嘅生日饭及三月初嘅好友聚，点知今年一而再，再而三，几个月内就食咗第三次德国菜。地点就喺美丽华商场新开嘅Prost by King Ludwig，多得好友安排，再尝德菜。晌商场转两转就揾到餐厅，门面以红砖配黑色木框，趟开嘅木窗，甚有欧陆风情。入到店内，更有气氛，啤酒屋常见嘅大型木枱，天花黑色工业铁通，昏黄带有油灯感嘅吊灯，好有一种德国嘅工业风感觉。坐在其中，甚有悠然自得之感！而入门口就见到一个开放式厨房，部份菜式就喺晌度制作。再直行，有通道走出露天花园，未出去之前，酒吧区就设晌室内用餐区及露天花园之间，而且，装修得美轮美奂，单单嚟饮番杯都唔错。至于讲到个露天花园，真喺别有洞天，地方好大之余，更有架大型快餐车，就算唔喺真喺有嘢食卖，都已经喺一种养眼卖点。据店员介绍，架快餐车迟啲真喺会提供服务，主要喺应付露天花园食客嘅需要。无论室内、室外都咁好气氛，好啱一大班老死嚟食饭。既然喺德国餐菜，猪手、香肠就唔使讲喺店中主打，此外，菜式仲有惹味佐酒小食、什锦轻食、沙律、头盘、面包、德式风味脆烤
晌商场转两转就揾到餐厅，门面以红砖配黑色木框，趟开嘅木窗，甚有欧陆风情。入到店内，更有气氛，啤酒屋常见嘅大型木枱，天花黑色工业铁通，昏黄带有油灯感嘅吊灯，好有一种德国嘅工业风感觉。坐在其中，甚有悠然自得之感！
而入门口就见到一个开放式厨房，部份菜式就喺晌度制作。
再直行，有通道走出露天花园，未出去之前，酒吧区就设晌室内用餐区及露天花园之间，而且，装修得美轮美奂，单单嚟饮番杯都唔错。
至于讲到个露天花园，真喺别有洞天，地方好大之余，更有架大型快餐车，就算唔喺真喺有嘢食卖，都已经喺一种养眼卖点。据店员介绍，架快餐车迟啲真喺会提供服务，主要喺应付露天花园食客嘅需要。无论室内、室外都咁好气氛，好啱一大班老死嚟食饭。
既然喺德国餐菜，猪手、香肠就唔使讲喺店中主打，此外，菜式仲有惹味佐酒小食、什锦轻食、沙律、头盘、面包、德式风味脆烤饼、传统德式面条、德式意粉、汤、特色主菜、德国手工薯饼、烤扒，以及多款配菜，睇见都流晒口水。
讲到德国菜，又点可以唔介绍埋啤酒，饮品餐牌中，除多款德国啤酒外，仲有非常多选择，鸡尾酒、香槟、红白餐酒、烈酒、啡酒、汽水……等等。
Sapphire Punch $65可惜，酒就唔多啱我，不过，非酒精嘅鸡尾酒小弟就几喜欢。店中最近新推出嘅夏日鸡尾酒，就有一款喺非酒精类。以菠萝汁、青柠汁、芒果汁打成嘅宾治，入口以芒果味为主，细尝慢慢就会有菠萝嘅清香，味道酸酸甜甜，让人感觉好醒胃，质感有少少以奶昔，准备踢走炎夏。
Berry the lover $50纯粹睇个名就知喺乜，以几款野莓制作，两位老友都钟情乜莓物莓，佢哋话个味道都唔错，莓味天然唔会好假，酸香清新。
Banana Split $50依个可以讲喺介乎沙冰与奶昔之间嘅特饮，入口冰凉透心，香蕉味好浓郁，不过，此外就似乎再唔觉加入咗乜嘢。
脆皮烧猪肘配酸椰菜及薯仔 $225咁大只咸猪手以依个价钱，喺抵食价。猪手送上枱，晌灯光光照下，份外金黄，店员好醒目，俾我哋影完张「全相」，再帮我哋切为细件，期间更讲解佢哋猪手嘅制法。猪手嘅外皮蛮脆口，食落又唔觉肥腻，肉下脂肪犹如食下骨胶原，肉质又几软腍，配蜜糖芥末或单单英式芥末都唔错，稍嫌唔知点解层皮食落虽然脆，却有种韧嘅感觉。此外，酸椰菜及薯仔都好好食，尤其前者，可以帮助消滞，后者就绝对令大家更饱肚。不得不提，餐牌话喺1-2位用，外国人嘅话都可能喺，但我就觉得够4-5人用，食落无咁滞，除非你真喺打算只食一客猪手，加杯冰冻啤酒。
德式风味脆烤饼配黑森林风腿 $125 + $40方形嘅脆烤饼有啲似意式薄饼，饼底配以酸忌廉、洋葱及烟肉，亦可加蕃茄酱，既然想食得德式风味啲，就唔好加蕃茄酱。另外有5款配料供选择（$30-$60），我哋依个就加上黑森林风腿，嚟到似喺巴马火腿，入口油润甘香，而脆烤饼口感有啲薄批与厚批之间，外层有啲脆口，食落又有啲面包嘅感觉，由于混入酸忌廉、洋葱，所以，味道较轻盈。
烤德国鸡配新奥尔良焗饭 $195以原只煎盆，半只烤鸡配焗饭上枱，再伴有珍珠笋、秋葵、柠檬及焗蒜，非常有睇头，个新奥尔良焗饭好好食，带有少少烩饭嘅效果，唔会太湿，又唔会过干，微辣惹味；至于件烤鸡，睇佢焗到咁焦香已经好期待，简单一句皮脆肉嫩都绝对无讲错，当然，啲鸡肉未至好细滑，但做得算好出色，唔喺又干又嚡𠮶种。
Prost by King Ludwig所卖嘅菜式绝对称得上外国人份量，咪睇佢成日话1-2人，查实3-4人都够，份量大堆头，味道又唔错，够气氛，招呼到位，一大棚老友嚟就实开心，就算三几个，一样可以食得悠然自得。
张贴
