金滿膳燒味餐室 (已結業)

难得放假梗系同朋友叹返个悠闲嘅下午茶，再周围去玩。由于我同朋友食量都唔大，所以嗌咗两个轻量嘅下午茶。香脆奶油猪 $26朋友嗌咗奶油猪，表层香脆，内部就被涂上浓浓的牛油同炼奶，牛油味好突出，整体上可以话外酥内滑，咁高质素嘅奶油猪都只系26蚊，好值得一试，如果配上一杯港式靓奶茶就更美满了。秘制猪扒包 $32咁多个下午茶菜式中，我觉得最抵食同最好味嘅菜款，我会话系佢哋嘅秘制猪扒包。包嘅皮被烘到好脆口，而主角猪扒就最出色，猪扒应该有事先被腌过，咬落好松软，而且有酱香味，猪肉味浓郁但唔油腻，外脆内软，口感一流，真系令人回味无穷。