影片
更多
2023-04-17
1798 浏览
今日同旧同学行一段中距离，由深井经「大榄自然教育径」行到入屯门大榄水塘，再晌「扫管笏」离开入番屯门市中心。虽然要行4个钟，但大部分都喺郊野公园内嘅车路，最高点都应该唔过300米，所以唔难行，就晌出发前一于喺深井食餐好嘅先再起行，揾一揾，见到「July Coffee」几人气，就晌度悠闲地叹一叹。从门面已经可以睇得出，餐厅装修简约，店内以灰、白色系为主，加上木系元素，打造出一种悠闲空间。我哋亦专登早啲嚟避开高峰人潮时段，所以感觉更加舒服写意，无拘无束。两位女店员殷勤有礼，有啲关于咖啡嘅问题，都好细心解答。餐厅本身无提供餐牌，故此今次都俾唔到餐牌大家参考。落单采用时下流行嘅二维码，细心位喺有啲菜式会写咗有咩材料。7月早餐 $112即喺惯常所讲嘅「全日早餐」，落单时晌网上餐牌都有标示用上咩材料，包括：沙律菜、炒蛋、香烤啡菇、牛油粟米粒、法式烤焗薯块、双烟肉，而且，有多少少弹性加钱转为樱花虾炒蛋、黑松露炒蛋、薯块转为酸种吐司或再加配其他食材都得。卖相几唔错，老友就话所用嘅食材都喺高质货，好似啲沙律菜新鲜爽脆，大啡菇好有菇香充充满菇汁，烟肉唔喺充满肥膏嘅劣货，而且煎得脆边。又唔会太韧，就连个薯饼都
从门面已经可以睇得出，餐厅装修简约，店内以灰、白色系为主，加上木系元素，打造出一种悠闲空间。我哋亦专登早啲嚟避开高峰人潮时段，所以感觉更加舒服写意，无拘无束。两位女店员殷勤有礼，有啲关于咖啡嘅问题，都好细心解答。
餐厅本身无提供餐牌，故此今次都俾唔到餐牌大家参考。落单采用时下流行嘅二维码，细心位喺有啲菜式会写咗有咩材料。
7月早餐 $112即喺惯常所讲嘅「全日早餐」，落单时晌网上餐牌都有标示用上咩材料，包括：沙律菜、炒蛋、香烤啡菇、牛油粟米粒、法式烤焗薯块、双烟肉，而且，有多少少弹性加钱转为樱花虾炒蛋、黑松露炒蛋、薯块转为酸种吐司或再加配其他食材都得。卖相几唔错，老友就话所用嘅食材都喺高质货，好似啲沙律菜新鲜爽脆，大啡菇好有菇香充充满菇汁，烟肉唔喺充满肥膏嘅劣货，而且煎得脆边。又唔会太韧，就连个薯饼都加咗啲芝士喺里边，比平时喺麦记食过𠮶类喺好唔同。
香蒜白酒蚬肉意大利面 $77白酒蚬肉意粉肯定唔喺第一次食，不过，呢碟嘅卖相完全睇到师傅嘅心机，逐只逐只咁围边，呢个位已经要加加分啦。入口啲蚬肉非常之鲜甜，带微微酒香，绝对唔系啲咩雪藏货色，而啲意粉煮得啱啱好，够晒咬口，又充满蒜香，整体嚟讲都，简单得嚟，师傅烹调手势扎实，喺高质素嘅出品。
西西里柠檬咖啡 $45老友都喺钟意饮咖啡之人，见到呢杯西西里柠檬咖啡好似好劲，就即管试试。其实简单嚟讲，就即喺柠啡，不过，用咗意大利柠檬，酸香得嚟好清爽，又加咗一枝露丝玛莉，所以，浸多一阵先饮，有点点香草幽香，果真更具风味。
椰汁咖啡 $42正常小弟去到啲咖啡店鲜奶咖啡近乎喺必然首选，不过，今次都试试新嘢，就喺椰汁咖啡。因为真喺无谂过将椰汁沟咖啡，其实好大程度都喺一杯鲜奶咖啡，不过加咗椰汁，初初饮可能未搅得匀，等饮到中后段，椰汁跟咖啡最平衡之时，感觉特别香浓，两者好夹，确有少少惊喜。
平日午餐主食就会包饮品（特饮除外），咁星期六、日、假期只有散点，所以，夹夹埋埋会贵少少，不过喺度慢慢叹，环境唔错，食物又很有水准，加上招呼用心，令整体嘅用餐体验都好好，让我哋起步都起得开心啲。
张贴
