迎‧潮 (已結業)

是日猪仔同我去The One睇《复仇勇者》，我提议lunch去饮杯茶，叹个包 ！近近地系The One揾食，拣咗20楼嘅《迎、潮》！假日大把位，入座后先发觉又系稻香集团添 , 近年稻香集团旗下嘅酒楼，食物质素质量一直走下坡 。不过今次呢间酒楼景观开扬吸引 ，楼底又高 ，坐得极之舒服又hea，已经加咗唔少分！翻两翻点心纸，点心款唔算多，但有特色点心……1.酥皮叉烧餐包 : 酥皮菠萝包，皮够薄之余又巧松化 ，叉烧肥瘦适中，好好食 ！2.状元虾饺皇 : $12一笼一粒大大粒 , 虾肉爽口！3.香草竹庶虾 : 炸得香口，虾胶弹牙，点上泰式甜辣酱后，非常惹味 ！4.尚品四宝烧卖 : 4 款分别系有虾、有蟹籽、有鲍片及鱼翅等，我俩认为4款都咁正 ！5.黑椒金钱肚 : 猪仔话黑椒几辣吓，入晒味，金钱肚软熟易咬口！6.陈皮牛肉球: 呢碟比较普通，牛肉球都算爽口。7.鸳鸯双潮$20: 呢笼点心中嘅虾饺，皮唔得、穿晒嘅！虾只又较细！糯米卷还可以，不过唔够香，又无包花生粒！整体唔错，今餐算抵食！