影片
更多
2018-11-09
379 浏览
10月、11月真喺行咗好多次山，都喺咁啱揾到个老友可以行啲有难度，够挑战嘅路段，继上次沙田嘅黄牛山，今回就上城门嘅草山（针山旧年已挑战咗喇）。呢日天气一般，虽则清凉，但早上有啲毛毛雨，所以，沿路上山都好大雾，故就算攻到上顶，都一片迷雾，乜景都无。行山嘅嘢就等临尾分享，行咗4个钟，落番荃湾揾食，好耐之前已留意到「Backyard」嘅半自助午餐喇，平平哋百零蚊，可以轻松坐、轻松食，抵玩吖嘛。踏进餐厅，予人感觉阔落清爽，除咗楼底高之外，对马路嘅一边全部喺落地大玻璃窗，而且，装修简约，以一室木系，再加上唔少植物，带少少田园风，都喺予人好感嘅因数。晌门口位已经见到，餐厅早、午餐、下午茶都以自助餐为主（午餐喺半自助），各项定价亦好亲民。半自助就最钟意，反正全自助真喺食唔得晒几多嘢，半自助就可以食平啲。而呢度嘅半自助午餐如大部分餐厅一样，定价视乎所拣嘅主菜，共8款，由$118-$168，其实，净食自助餐嘅食物都已经好够饱。自助食物集中晒晌用餐区嘅另一边，即水吧位𠮶头，揾食唔使四围走，等小弟快快手介绍吓有咩选择。面包、餐汤、芝士除有啲方包、小圆包外，更有意式面包条，旁边更设有自动面包翻热机，算有心喇；
踏进餐厅，予人感觉阔落清爽，除咗楼底高之外，对马路嘅一边全部喺落地大玻璃窗，而且，装修简约，以一室木系，再加上唔少植物，带少少田园风，都喺予人好感嘅因数。
晌门口位已经见到，餐厅早、午餐、下午茶都以自助餐为主（午餐喺半自助），各项定价亦好亲民。
半自助就最钟意，反正全自助真喺食唔得晒几多嘢，半自助就可以食平啲。而呢度嘅半自助午餐如大部分餐厅一样，定价视乎所拣嘅主菜，共8款，由$118-$168，其实，净食自助餐嘅食物都已经好够饱。
自助食物集中晒晌用餐区嘅另一边，即水吧位𠮶头，揾食唔使四围走，等小弟快快手介绍吓有咩选择。
面包、餐汤、芝士除有啲方包、小圆包外，更有意式面包条，旁边更设有自动面包翻热机，算有心喇；而两大壶餐汤，一款喺南瓜忌廉汤，另一款则喺杂菜汤；最估唔到，就连芝士拼盘都有提供。
甜品啲甜品就放晌餐汤旁，不过，阵容就弱啲，只得啲朱古力蛋糕仔、法式炖蛋、自制窝夫及朱古力喷泉。
沙律、冷盘再行过啲，就喺沙律吧，有两款沙律菜、多款配料及酱汁，此外，亦有两款预制好嘅沙律，其中一款更参入非常健康嘅藜麦。而冷盘类，除有冻切肠、烧牛肉之外，4款的的骰骰嘅小碟。
热盘自助餐枱尾，就摆放咗多种热食，包括：烟肉、汉堡扒、火腿、猪肉肠、鸡肉肠、鸡蛋、车厘茄、粟米粒、茄汁豆、炸薯饼及炒滑蛋。哈哈，完全喺可以自制一份「全日早餐」。
饮品好简单，就喺咖啡、红茶、热水、柠檬，大家都明点玩具法。
第一碟自助食物先嚟清爽一下，就梗喺食沙律啦，再搭啲冻切肉肠及烧牛肉。啲食材唔算好高质，但亦不失礼，尤其啲冻切肉肠，要求唔高嘅话，绝对满足到。小弟就志在利用头盘嚟开开胃，打开胃纳。
第二碟自助食物食完冻嘢，跟住最好就饮啖汤暖暖胃，小弟拣南瓜汤，估唔到做得又几有水准㖞，唔喺茶记啲白汤货色，幼滑得嚟好有南瓜嘅清甜味。而伴汤嘅，就搭咗一个小麦包、芝士及水蜜桃。
第三碟自助食物见啲小碟冷盘的骰，除中华沙律外，其余3款都拎嚟试吓。日式嘅八爪鱼都喺来货，反而，水牛芝士配车厘茄及胡麻酱茄子有少少惊喜㖞，前者芝士软绵绵清清哋，后者则做到爽口充满芝麻香。
宾尼廸克蛋配烟三文鱼 $128友人话未试过宾尼廸克蛋，所以，即时相中呢道菜式，卖相清新，而两只宾尼廸克蛋做得唔错，既然有两只，就可以「些牙」吓。的确，只蛋煮得啱啱好，蛋黄澎湃咁流出嚟，就连蛋白都好绵滑，之但喺，个人觉得面面啲荷兰汁未够酸香。至于啲烟三文鱼，小弟就无试，故此就唔评论嘞。
大虾带子意大利饭配干葱刁草忌廉汁 $168有留意小弟嘅食评都会发觉，我不时都会点意大利饭，因为，呢样嘢都几考厨师手艺，唔喺煎煎炒炒就搞得掂。而眼前呢碟意大利饭，咪睇个样好似好湿，捞番匀就啱啱好，入口湿润，饭心带烟韧，最钟意饭粒混有意大利黄瓜及青瓜，增添几分清爽感；大虾及带子都睇得出用靓料，食落两者都好爽甜，整体而言，喺有质素嘅一道意大利饭。
大虾带子意大利饭配干葱刁草忌廉汁
$168
8 浏览
0 赞好
0 留言
生果窝夫、热咖啡午市半自助餐会晌2:15pm作为取食物嘅最后界线，点知人人都赶「死线」前整窝夫，所以，我𠮶件烘得未够时间，唔够焦脆。不过，配点生果，淋上朱古力浆，味道还可以咁啦。
临尾，介绍吓草山，话难唔难，话易唔易，始终都成647m高，有唔少上斜，不过，上得嚟都唔算好扯、好急，大部分路段都喺大路，至少比上次行黄牛山轻松得多。
今次虽然行咗4粒钟山，又唔算好攰，可能跟天然清凉有关。之后，再食咗个咁丰富嘅午餐，边体力都返晒嚟呀！
张贴
