影片
更多
2023-05-21
304 浏览
依排天气时晴时雨真系好难预料，但一家大细讲好咗要BBQ+风雨不改，做搞手当然要揾个好地方。喺Openrice揾到位于马鞍山嘅白石烧烤，睇相觉得环境唔错又有瓦遮头，落雨都无有怕!! 最紧要系烧烤场隔离就有时租停车场，够晒方便，好适合带著一家大细，又唔想辛苦自己整BBQ食材嘅朋友仔。虽然落著毛毛雨，但系白石烧烤有瓦遮头，楼底算高，空间宽敞，就算当日算多人BBQ，都唔会浓烟密布。白石毗邻吐露港，一边烧烤一边可以欣赏吐露港景色，偶然仲见到白鹭等候鸟飞过，贴近大自然嘅环境令人心旷神怡。洗手间位置方便，有专人打理，卫生情况好理想。5人海鲜套餐星期一至五$1038星期六日公众假期$1188古法吊烧鸡$148古法吊烧鸡为方便客人快啲烧熟，只鸡已经有7至8成熟，所以职员提醒我哋唔洗烧太耐，留意到鸡嘅外皮微微烧至金黄，就食得啦!! 烧鸡经古法腌制特别惹味，皮脆肉嫩，咬落啖啖肉又多汁，超级有惊喜!! 弹牙海中虾1包 (六只)开头以为雪虾实冇乜鲜味啦，但我哋烧果阵加咗少少盐同胡椒调味已经好好食。食落仲好爽口，肉质弹牙又鲜甜。蒜茸半壳带子(五只)1 包带子肉质鲜嫩多汁，食落鲜甜冇沙，配上蒜蓉就更惹味!! 仲有粉
依排天气时晴时雨真系好难预料，但一家大细讲好咗要BBQ+风雨不改，做搞手当然要揾个好地方。喺Openrice揾到位于马鞍山嘅白石烧烤，睇相觉得环境唔错又有瓦遮头，落雨都无有怕!! 最紧要系烧烤场隔离就有时租停车场，够晒方便，好适合带著一家大细，又唔想辛苦自己整BBQ食材嘅朋友仔。
虽然落著毛毛雨，但系白石烧烤有瓦遮头，楼底算高，空间宽敞，就算当日算多人BBQ，都唔会浓烟密布。白石毗邻吐露港，一边烧烤一边可以欣赏吐露港景色，偶然仲见到白鹭等候鸟飞过，贴近大自然嘅环境令人心旷神怡。洗手间位置方便，有专人打理，卫生情况好理想。
5人海鲜套餐
星期一至五$1038
星期六日公众假期$1188
古法吊烧鸡$148
古法吊烧鸡
为方便客人快啲烧熟，只鸡已经有7至8成熟，所以职员提醒我哋唔洗烧太耐，留意到鸡嘅外皮微微烧至金黄，就食得啦!! 烧鸡经古法腌制特别惹味，皮脆肉嫩，咬落啖啖肉又多汁，超级有惊喜!!
弹牙海中虾1包 (六只)
开头以为雪虾实冇乜鲜味啦，但我哋烧果阵加咗少少盐同胡椒调味已经好好食。食落仲好爽口，肉质弹牙又鲜甜。
蒜茸半壳带子(五只)1 包
带子肉质鲜嫩多汁，食落鲜甜冇沙，配上蒜蓉就更惹味!! 仲有粉丝，吸收晒带子嘅精华，令人食指大动。
纽西兰半壳青口1包
青口肥美肉厚，分外鲜甜，食落完全无沙好juicy，另外有盒蒜茸牛油提供。虽然我用咗嚟茶面包，但屋企人用嚟配青口食，个个都话好好食。
蜜汁叉烧 2包
叉烧肉质鲜嫩，咬落啖啖肉又juicy!! 蜜汁同叉烧简直系perfect match!!
鸡扒3包
鸡扒都共有三款味：泰式﹑香茅﹑蒜蓉，三款口味嘅调味都恰到好处，唔会太咸
其余肉类腌制得好够味，最重要系食完唔会口渴，另外5人海鲜套餐仲包括：
猪扒3包
鸡中翼2包
海鲜三宝丸2包
爆汁芝味芝士肠1包
鸡肉肠1包
台式脆皮肠1包
迷你日本甜薯1 份
香甜粟米2份
PS 我都系第一次揸车去马鞍山白石，但𠮶度泊车指示清晰，停车场拍八达通入场，感应都好快。仲有好多车位，空间宽敞，就算系新手泊车都无乜难度，值得一赞停车场环境清洁，无垃圾。揾一个好嘅烧烤场，真心唔易，今次一家大细都赞我无拣错，诚意推介俾大家💪🏻
张贴
