Shelter Cafe

营业中

休息中

难得一日放假，同老公出去chill下。见到食评家介绍呢间餐厅的环境＆食物的质素性价比高，所以就黎试试。餐厅环境几阔落，枱与枱相隔一定距离，让每枱食客有足够的私密空间，倾秘密野都唔会咁易俾其他食客听到。本来我想试牛小排日式咖喱饭，点知转左餐牌。所以今次我地叫左忌廉磨菇汤，纽西兰牛肉芝士汉堡伴薯角，明太子烟三文鱼意粉。饮品就叫左Iced Mocha＆Matcha Latte Expresso忌廉磨菇汤好浓郁，有好新鲜的磨菇味，系其他餐厅饮唔到的好味道。纽西兰牛肉芝士汉堡系老公点既，佢话好好味，我试左一口，觉得一般，正常发挥。明太子烟三文鱼意粉就好正喇，虽然烟三文鱼的份量少左d，但每条意粉都有明太子痴住，仲食到粒粒明太子的卜卜脆，几惊喜。而且意粉份量不少，好饱。而饮品方面，因为Iced Mocha 系老公点既，我冇试到，品评唔到。不过杯Matcha Latte Expresso我就觉得苦左D，不过我冇落糖既，大家饮时有需要就自己调校下喇。总括黎讲，呢间餐厅都值得一试的，有机会可以再试餐牌上的其他菜式同甜品。而且餐厅会不定时转菜式，都有惊喜的。