荷華庭園景餐廳 (已易手) 新餐厅

香港地人多车多，四周围都好迫人，想周日远离尘嚣「偷得浮生半日闲」，不妨试下黎大埔林村附近嘅荷华庭园景餐厅，位处吐露港公路大埔北出口附近，驾车的话尚算方便。呢度园林景致宜人，欧陆式花园里仲有唔同特式厢房，真系「冇得倾」环境一定系五星。老婆最喜欢呢棵「心心树」😍，有情人眼里先睇得出架！今日「风和日丽」兼「万里无云」，紧系要坐Outdoor同阳光玩游戏啦，旁边有个荷花池，若然超级怕蚊叮虫咬就要搽定蚊怕水。头盘系西班牙火腿拼蜜瓜咸香的西班牙风干火腿加清甜的蜜瓜简直系绝配。烧安格斯肉眼扒（$238）块肉眼扒有几大「有办你睇」，岩岩好唔咪太厚，猛火辣一辣两面肉汁仍然锁响入面，加少少salt & pepper，食出最原始的肉味。扒三文鱼（$238）原块三文鱼扒慢火煎香，外皮香脆内里肉质保持鲜嫩，真材实料没有太多花巧，加埋特制的他他汁简单又健康！饮品方面加$30可以配埋餐酒，但由于要揸车就点左两杯无酒精成分的特饮。