SMILEY CAFE with eGG (已結業)

夜晚去朗豪坊睇眼镜，发现原来呢到有一间眼镜crossover既餐厅，行到攰攰地就决定直接系到食埋晚餐。今晚叫左牛油果鸡肉藜麦沙律，肉眼扒同埋烧三文鱼意大利饭。首先上既系餐汤同埋沙律。餐汤方面细细碗酸酸地几开胃，配块面包亦都增添口感。沙律就比想像中出色，鸡肉有调味之余熏完唔会太干身，藜麦份量唔小，配埋沙律菜好好味！跟住就到主角肉眼扒同意大利饭喇，肉眼扒要左5成熟，虽然表面煎得唔算太靓仔，但系口感同味道都唔差，食得出唔系平时茶记食开既「牛扒」。而意大利饭creamy得嚟唔会太腻，配上蟹子亦加重左口感。三文鱼就非常juicy，同沙律块鸡扒一样唔会太干。总结今餐既食物质素加上舒服既环境算系值得推介既一间餐厅。