喵一下 (已搬遷) 新店位置

雖然pmq有啲隔涉，但係為咗有個chill嘅地方傾偈都二話不説揀咗呢間cafe🤓去到係自己揾位，平日下晝冇乜人基本上係任揀。去嘅時候天氣比較熱就冇坐到户外嘅位。環境唔算嘈，大家都係靜靜地傾偈。每枱都有鐘仔方便大家召喚店員落單。食品都係台式為主，我同朋友各叫咗一個滷肉飯。滷肉比我想像中淡味，反而蘿蔔同滷水豆腐吸晒啲汁非常入味。另外加咗一杯蘋果綠茶，飲得出唔係平時台式飲品店用粉沖嘅味，甜甜地幾清新。