DALLOYAU (已結業)

我地book位个时拣左坐户外，可以呼吸下新鲜空气，风景靓啲，坐得又舒服啲。咸点个人最欣赏鲜龙虾黑松露软包，面包中间夹住龙虾仔，份量都唔少，啖啖肉。食落有阵好香黑松露既味道，香浓得黎又唔会抢左龙虾仔既味。最顶仲整到成朵花咁靓。另外烟三文鱼芝士三文治都唔错，芝士味唔太浓，但三文鱼唔够喉呀。至于蘑菇泡芙味道几特别，好唔好食就见仁见智。仲有个法国鸭肝三文治，鸭肝味道淡淡地，上面有几粒核桃碎。甜点方面Macaron有惊喜！一款系芝麻macaron，唔讲以为食紧芝麻糊！芝麻味真系好浓！另一款系开心果macaron，果心果又几好味㖞。最初仲估会唔系绿茶。脆榛子朱古力都唔错，朱古力味几浓。朱古力泡芙就淋左少少，但块朱古力牌好味。66%加勒比朱古力慕斯好滑，面头仲有啲碎曲奇。黑松露歌剧院蛋糕，食个时唔太觉有黑松露味道，但蛋糕好松软。朱古力香橙杏仁蛋糕有淡淡既香橙味，蛋糕好软好绵。至于松饼今次有朱古力同香橙味，但可惜个clotted cream略严唔够厚身同稀左少少。