Grand Central Bar & Grill (已結業)

买左飞睇异形未够钟，上黎Element平台揾食。呢个平台不嬲环境都几好，咁岩呢间又可以用Entertainer app，一于就黎试下。入到去得我一台客，有D惊，不过静静地又有卡位坐都几好。可以买一送一嘅选择都颇多，除了Seafood platter/oyster、Starters/Salads/Soups、Sides及Desserts外都可选。本来想叫个白酒青口，谂起可以用面包索青口啲汁就已经流晒口水。可惜，佢呢期做紧青口promoton，变左special menu上嘅菜色，无得买一送一。唔紧要，下个月去澳洲食个饱为咗最抵要拣两个差唔多价钱嘅菜式，晏昼唔想食咁heavy惟有下次先叫牛扒。拣左番红花大虾龙虾肉扁意粉，金黄色嘅意粉每条都挂住汁酱，又唔会好似carbonara咁腻，软硬度适中，不错。另外拣咗Fish and chips，不过不失啦，新鲜热辣炸起唔会差得去边。用左买一送一优惠埋单都要300蚊，如果无优惠就真系唔建议，因为原价根本就系overpriced。