Grand Central Bar & Grill (已結業)

買左飛睇異形未夠鐘，上黎Element平台搵食。呢個平台不嬲環境都幾好，咁岩呢間又可以用Entertainer app，一於就黎試下。入到去得我一檯客，有D驚，不過靜靜地又有卡位坐都幾好。可以買一送一嘅選擇都頗多，除了Seafood platter/oyster、Starters/Salads/Soups、Sides及Desserts外都可選。本來想叫個白酒青口，諗起可以用麵包索青口啲汁就已經流晒口水。可惜，佢呢期做緊青口promoton，變左special menu上嘅菜色，無得買一送一。唔緊要，下個月去澳洲食個飽為咗最抵要揀兩個差唔多價錢嘅菜式，晏晝唔想食咁heavy惟有下次先叫牛扒。揀左番紅花大蝦龍蝦肉扁意粉，金黃色嘅意粉每條都掛住汁醬，又唔會好似carbonara咁膩，軟硬度適中，不錯。另外揀咗Fish and chips，不過不失啦，新鮮熱辣炸起唔會差得去邊。用左買一送一優惠埋單都要300蚊，如果無優惠就真係唔建議，因為原價根本就係overpriced。