Give Me 5 (已結業)

观塘系一个非常多楼上餐厅嘅地方，但想揾间地方大、环境宽敞，就唔系好多餐厅做得到，今日同同事午餐时间嚟到位于鸿图道嘅Give me 5 食lunch,感觉唔错。餐厅格局及设计开扬，座位算多，完全唔局促及感觉悠闲。佢地主打西式fusion菜式。午餐提供主菜+半自助形式任食沙律、餐汤、甜品及新鲜水果，连埋任饮红、白餐酒，价钱由$75-$138唔算贵，满足心大心细嘅朋友之余，又可以试多啲嘢同悭番唔少钱，呢个模式值得推介。沙律吧及生果区嘅食物新鲜，选择亦唔少，如果见无晒服务员会好快咁refill，抵赞！甜品区有啫喱同蛋糕选择。美式牛肉汉堡配烟肉及脆炸洋葱圈汉堡牛肉入口不会过硬或散开，肉汁尚算不错亦都有咬口配埋烟肉同脆脆嘅洋葱圈，酱汁比例刚刚好，薯条亦都唔油腻，整体不错。澳洲肉眼扒配野菌汁点咗5成熟无煎过头，份量有两块，牛味香浓，肉质不错有弹性配野菌汁味道好夹。餐厅内仲有飞标机同桌球抬可以玩，如果食完闷闷地可以去娱乐一下。另外服务员有求必应，落单上菜速度又快，态度良好。希望能一直保持水准，值得推荐。