影片
更多
2009-09-08
43 浏览
难得星期六可以有假期,就相约几个朋友到长洲享受.朋友们都同我一样钟意饮饮食食,试新嘢.但次次去长洲来来去去都系食𠮶啲.好似有啲闷咁.所以我地决定周围揾新嘢.行到东湾路(即系喺百佳直行去海滩𠮶条路).通常我都会同朋友行埋入去食下大鱼蛋同埋啲糕点.见到有啲人众集左,都好好奇咁去睇下.见到新开左啲小食,有泰式嘢饮,仲有泰式雪条.几得意.之后我地就坐低左.店员俾左个餐牌我地睇.哗!好多嘢食选择,除左有泰式嘢饮之外,仲有好多小食,好似薯条同三文治咁!我地点左"巴辣鸡翼+薯条"同埋"牛油果鸡肉烟肉三文治"(太好味喇唔记得影相),仲有杯"椰汁凉粉小黑子".因为我本人其实都钟意食泰国菜,但呢杯嘢我喺泰国餐馆都唔见有,所以好奇地想试下.发觉好唔错,几好饮.而且啲凉粉变左一条条,好得意.唔系以前啲一粒粒嫁.几好味.而个巴辣鸡翼都好好味,又够辣.又新鲜.食完之后我地就试埋佢地啲雪条,有五种味,但我都系选左芒果味.8蚊一支.几好味.食落唔似冰棒.而且好香滑.朋友见我试完又买.佢就试左芋头味,同芝麻味.芋头真系好少有机会食到.芝麻味雪条有好多打碎左嘅芝麻,味道好突出呀! 朋友都话好味.我地试完之后,都决定下次入
朋友们都同我一样钟意饮饮食食,试新嘢.但次次去长洲来来去去都系食𠮶啲.好似有啲闷咁.
所以我地决定周围揾新嘢.行到东湾路(即系喺百佳直行去海滩𠮶条路).通常我都会同朋友行埋入去食下大鱼蛋同埋啲糕点.
见到有啲人众集左,都好好奇咁去睇下.见到新开左啲小食,有泰式嘢饮,仲有泰式雪条.几得意.
之后我地就坐低左.店员俾左个餐牌我地睇.哗!好多嘢食选择,除左有泰式嘢饮之外,仲有好多小食,好似薯条同三文治咁!
我地点左"巴辣鸡翼+薯条"同埋"牛油果鸡肉烟肉三文治"(太好味喇唔记得影相),仲有杯"椰汁凉粉小黑子".因为我本人其实都钟意食泰国菜,但呢杯嘢我喺泰国餐馆都唔见有,所以好奇地想试下.发觉好唔错,几好饮.而且啲凉粉变左一条条,好得意.唔系以前啲一粒粒嫁.几好味.
而个巴辣鸡翼都好好味,又够辣.又新鲜.
食完之后我地就试埋佢地啲雪条,有五种味,但我都系选左芒果味.8蚊一支.几好味.食落唔似冰棒.而且好香滑.朋友见我试完又买.佢就试左芋头味,同芝麻味.芋头真系好少有机会食到.芝麻味雪条有好多打碎左嘅芝麻,味道好突出呀! 朋友都话好味.
我地试完之后,都决定下次入长洲再嚟呢度食过!
张贴
