Little Creatures (已結業)

行经一座座旧嘅建筑物，直至街嘅尽头，望到海边，餐厅就喺附近。周未嚟到呢度，再加上餐厅嘅装修，就好似喺英国市镇嘅周未咁，轻松写意聚下旧，叹返餐。😍Beer Paddle餐厅提供好多唔同种类嘅啤酒，仲有自家制嘅，唔饮开啤酒，唔知点拣，甚至饮开边类但又想试下其他嘅，必定要叫Beer Paddle。餐牌上会话你知酒精含量、苦涩度、颜色度，好似上咗一堂试啤酒咁。六款各有特色，我就比较喜欢苦涩味多啲啲，今次款‘Kennedy Town Brew’都唔错，佢系季度性嘅，过几个月嚟就唔同㗎。😊Hand Cut Frites饮啤酒要配小食。自家制手切薯条，炸得啱啱好。即叫即炸，最怕放好耐到上枱时已唔够脆。配嘅黑松露酱好香，配薯条，一流。😊Lime Chicken Tacos我以为系脆饼，但佢系卷饼，另一食法。卷饼部分细细片，咁就可以食到鸡肉馅料嘅味道。味道好清新，加埋佢个墨西哥辣汁，正呀！但真系一两滴就够，太辣就盖过原有嘅味道。Cold Pressed Juice 拣咗西柚+苹果。西柚味较浓。饮哂啲啤酒呢，叫呢个，fresh 下先。😍Sticky Pork Ribs微甜微辣嘅烧汁，配ribs真系好好味。