冰雪公主 (已結業)

例牌星期日出黎荃湾饮早茶，今日更适逢中秋节，饮完茶后几姐妹去行街街。行完劲多人既吉之岛&荃湾广场后，见到有呢间冰雪公主，脑海立即响起let it go~let it go~~~行近睇原来系韩式甜品，就食返个下午茶先！店员同我地讲呢度系俾钱买野后会俾个牌你，职员会送上野食，同euro gogo一样。先点左一杯橙汁，好大的一杯，闻到好香既橙味，更有少许橙皮增添其香味。饮得出系鲜榨既，沟左少量水(唔系糖水)，所以淡左d，但起码够健康。卡邦尼意粉，意粉汁十分香浓，更有少许洋葱粒增添其香味。最欣赏的是意粉煮得刚刚好，入口软硬适中，实在like爆。蜜糖牛油多士外观普通，最上有两球云尼拿雪糕球。多士焗到十分香脆，中间夹住的年糕既柔软又烟韧，口感一流！食落去又有香甜的蜂蜜味，实在美味。另外将雪糕放在多士上面一齐食，味道更香甜，又可感受到冷热交溶的体验，实在新奇。最欣赏系佢地有数款游戏可供玩乐，食下玩下倾下计，又一个悠闲的下午，实在开心！P.S. 阿猪好赞赏佢地既洗手间，干净又整洁，希望可以保持到！