Bonza! by Waffling Beans

营业中

休息中

今次黎到位处利东站附近既哩间cafe小店。小店设计行文青路线，以白色、绿色配搭木系桌椅，而且以QE code落单，非常方便。值得一提既系小店系宠物友善餐厅，可以带埋宠物一齐黎食野。餐牌上面有甜、咸窝夫可以选择。🧇Waffle Benedict 班尼迪窝夫 $135可以选择西班牙火腿或烟三文鱼，或者两样各一半都得，岩晒我哩啲做唔到选择既人😆入面有水波蛋、软熟既牛油果、金黄荷兰酱、红甜椒粉、淋上自家制荷兰酱既田园沙律同香草咸味窝夫。都系第一次试班尼迪配窝夫哩个配搭，小店用既系自家发酵既列日窝夫，所以入口质感会比较扎实，而且系用天然法国酵母制作，相对上会较健康。西班牙火腿同烟三文鱼都咸香好食，当中最估唔到既系原来西班牙火腿同窝夫味道都几夹。🍵Matcha Green Tea Latte日本抹茶鲜奶 $48（Hot）抹茶味非常浓厚，亦好重奶香，入口顺滑。整体黎讲，小店环境舒适，食物质素亦唔错，过开𠮶边既话可以一试。