諾亞半熟蛋糕專門店 (已結業)

难得早放工，响尖咀食完饭都仲好早，决定买个甜品返屋企同家人分享下！家人未食过半熟蛋糕，唔知接受程度有几多，所以选左大家都喜欢嘅士多啤梨！望落已经够哂sweet!一打开，大大粒士多啤梨铺满面，外表已经好sweet! 食落好香甜，果肉饱满又多汁，旁边有层士多啤梨jelly, 唔太甜，令整个蛋糕减低饱滞感。蛋糕系芝士蛋糕，芝味好浓，由于半熟关系，质感有小小似mousse, 好滑！不过提醒唔好一下食太多，虽然好味，但始终芝士蛋糕黎，一下子食太多会好滞。另外天气咁热，见雪柜有野饮卖，就拣左支唔系度度有得卖嘅蜂蜜惹米水。一饮落口小小甜好清凉！超解渴！简直系消暑嘅极品！饮完热气怒气全消！成个人gur哂！又唔会担心糖分多过肥！个杯系电灯胆造型好吸晴杯底好多惹米，真材实料！个职员仲全程好好礼貌仲保持住好sweet嘅笑容！赞！下次经过会再黎买㗎！希望呢度会继续多d新产品啦！