有囍 (已結業)

情人节，就算无情人都一样过得开心。所以约埋三个单身贵族一齐开开心心食返餐。因为做紧优惠，所以点咗个二人餐再加几款小菜慢慢倾，慢慢食。太极酱蒸元朗乌头。太极酱系混会咗腌咸柠檬及豆豉嘅秘制腌料，食嘅时候一定要好好捞匀先可以食真佢甘香鲜咸嘅味道。乌头本身油脂丰富蒸完肉质都变老，又有本身独有嘅陈皮香味，配上豉汁一齐食真系变肥仔都唔停得口。呢碟蒸鱼起码𩠌咗三碗白饭。火焰菠萝生炒骨。呢个真系有视觉同味觉嘅享受，上枱会淋上白酒再点火。既可增添香气味道，又可吸引食欲。生炒骨酸酸甜甜好惹味，入口仲有浓浓酒香。一定要食。古法黑草羊腩煲。做得好入味除咗有南乳嘅咸香，又有甘蔗同马蒂嘅清甜。每件羊肉都又腍又入味。一定唔可以放放锅底嘅枝竹，因为吸收晒汁嘅味道，十分好食。虽然话系二人餐但分量多到四个分黎食都有剩，食完暖身又饱肚真系超值。蒜茸开边蒸海虾。因为够新鲜虾肉结实爽甜，加上用咗大量蒜茸熟油，食落零舍香口惹味。生炒糯米饭。唔知系咪太耐无食腊味嘅制品，觉得真系好香口又唔会觉得好咸。虽然糯米食落软烂咗啲但综合黎讲都系唔错嘅。笼仔腊肠北菇蒸滑鸡。鸡肉好滑身，吸晒腊肠同冬菇嘅味道。食落唔油腻，𩠌饭一流。清炒油麦菜。食咗