Parkview (新都會廣場) (已結業)

今晚同老公出来自私食庆祝情人节， 情人节成个葵芳新都会都逼爆咗人，所有餐厅都要等好耐， 好彩老公醒目用app订咗位唔使等!叫咗个节日二人餐$658！个餐送埋红白酒或香槟！非常欣赏佢嘅餐包！由于系a1 bakery旗下，佢嘅餐包有返咁上下水准。 包系可以拣款嘅，8款包包之中我哋拣咗牛角包同软包，两个都好香又好软熟！ 仲可以拣点面包嘅酱， 我哋拣咗番茄酱同埋cream cheese。个番茄酱好香但系嘅cream cheese就比较吝啬，好细旧啰。餐汤系海鲜南瓜周打汤， 几香浓忌廉南瓜味，入面都算多料都有几粒虾肉。仲有肉冻烟三文鱼沙律。主菜一：虎虾青口意大利饭蓝青口比较细粒但系都几嫩， 虎虾有三只， 个蕃茄汁做得几好， 唔似做白汁咁好快会食腻。主菜二： 香煎剑鱼腩&美国安格斯牛柳五成熟嘅安格斯西冷烧得刚好但略欠肉汁，都收货。不过香煎剑鱼腩伴香蒜牛油汁实在太油腻，我完全受不了放弃左， 如果吱返啲鲜柠檬汁我谂会易入口啲。配菜烧得好，调味佳！甜品系每人一件Blueberry cheesecake，卖相不错味道都好好！仲有杯餐茶！经app 订座仲有7至9折！情人节都有呢啲优惠同唔使等位已经值哂。