影片
更多
2013-02-12
91 浏览
早前参加网上游戏，有幸成为得奖者获得 Koh Thai 送出嘅四道菜情人节 2 人晚餐 1 份，真系 『泰』浪漫了。餐厅位于湾仔船街嘅嘉荟轩，我坐电车去好方便。嘉荟轩嘅时尚与隔离旧楼形成强烈对比。Koh Thai 在嘉荟轩一楼，可选择行楼梯或乘电梯，楼梯上花嘅图案，而两旁又有可爱嘅小佛像手持电蜡烛。沿梯级而上就是餐厅嘅接待处，左边是酒吧，右边有露天雅座，而我哋就拣咗户内嘅座位。今晚人流很多，而且很国际化，系我哋隔离嘅一台就系韩国人。长长嘅开放式厨房，可以看清楚厨房嘅运作过程，亦不时看到大厨炒到火光红红嘅场面。我哋未够六点就到达餐厅，因为谂住食完行出去海皮睇烟花。其实餐厅嘅座位以户外为主，夜晚时分，没有太阳光，餐厅会开暖炉，加上柔和嘅灯光，给人温暖浪漫嘅感觉。今日我哋可以品尝嘅情人节 2 人晚餐系由一月二十四号至二月二十四日供应，$600 二人份量，再加一服务费，价钱尚算合理，而且大家唔驶迫住系情人节当晚去食，系一个不错嘅选择。以玫瑰花图案设计嘅情人节套餐餐牌好靓，未食已经感受到浪漫嘅气氛。石榴汽酒 (Guavacava Cocktails)餐厅职员为我们奉上餐酒，石榴酒香味四溢，不好酒
餐厅位于湾仔船街嘅嘉荟轩，我坐电车去好方便。嘉荟轩嘅时尚与隔离旧楼形成强烈对比。Koh Thai 在嘉荟轩一楼，可选择行楼梯或乘电梯，楼梯上花嘅图案，而两旁又有可爱嘅小佛像手持电蜡烛。沿梯级而上就是餐厅嘅接待处，左边是酒吧，右边有露天雅座，而我哋就拣咗户内嘅座位。今晚人流很多，而且很国际化，系我哋隔离嘅一台就系韩国人。长长嘅开放式厨房，可以看清楚厨房嘅运作过程，亦不时看到大厨炒到火光红红嘅场面。
我哋未够六点就到达餐厅，因为谂住食完行出去海皮睇烟花。其实餐厅嘅座位以户外为主，夜晚时分，没有太阳光，餐厅会开暖炉，加上柔和嘅灯光，给人温暖浪漫嘅感觉。今日我哋可以品尝嘅情人节 2 人晚餐系由一月二十四号至二月二十四日供应，$600 二人份量，再加一服务费，价钱尚算合理，而且大家唔驶迫住系情人节当晚去食，系一个不错嘅选择。以玫瑰花图案设计嘅情人节套餐餐牌好靓，未食已经感受到浪漫嘅气氛。
石榴汽酒 (Guavacava Cocktails)餐厅职员为我们奉上餐酒，石榴酒香味四溢，不好酒嘅我试咗一啖，饮嘅时间石榴味反而比酒味掩盖，确系几有特色。
鲜炸猪肉虾饼串配泰式甜酸酱 (Tod Mun Poo)Deep fried kebab of crab & minced pork cakes, served with Thai sweet chili dipping sauce
串烧虾饼卖相很精致，以环形嘅虾饼也很少见，大厨用上竹签串起，有点像食波板糖嘅感觉。虾饼外表炸得好香脆，入面猪肉虾饼馅弹牙爽口，亦很有虾味，丙加上甜酸酱，系很好嘅配搭，是一个开胃嘅小食。
蛋包香炒鲜虾鸡粒 (Loom)Mini pillows of prawns & chicken wrapped in egg lattice
哗！第一次见蛋包系通花，真系好特别。加上大厨用甜酸酱做了一个心形，卖相精美。鸡粒很嫩滑，同鲜虾嘅质感形成对比。再配上特设嘅酱汁，食落有好清新嘅感觉。
椰青椰汁鸡汤 (Tom Kha Gai Mapao On)Chicken & coconut soup served in a young coconut shell
泰国菜嘅装饰以花花为主，呢个椰青椰汁鸡汤卖相一流，未食都觉得好吸引。先饮啖汤，哗！好好味，椰汁可上各式嘅香料，真系好香，饮落汤好滑，有点酸甜味。
而汤料嘅鸡肉都好滑，真系少见，再加上大大块椰青肉和草菇，真系用料十足，值得推介。
烧三文鱼配红咖哩汁及白饭 (Choo Chee Salmon)Grilled salmon filet served with a red curry sauce & steamed rice
烧三文鱼好大件，加上，红咖哩，红椒和青豆嘅配料，颜色鲜艳。
三文鱼皮烧得很香脱，而鱼肉很滑，鱼脂肉汁丰富。红咖哩味道相当不错，配上白饭，令人爱不释手。
泰式炭烧羊架配青柠汁及藏红花饭 (Kae Yang Saffrom Rice)Char-grilled rack of lamb with Esan style lim sauce served on a bed of saffron rice
心心双印，黄色嘅藏红花饭很别致。藏红花听闻系最贵嘅香料，要 15000 朵藏红花先可以收集到 100g 嘅雌蕊柱头，而每一朵花只系得三个柱头，珍贵程度可想而知。估唔到红色嘅藏红花系可以将食物染上黄色，真系好得意。而炭烧羊架烧得很香，食落都好腍，肉脂分布好好，肉汁丰富，最重要系没有羊膻味。
炸香蕉配椰子雪糕Banana fritters with coconut ice cream
平时好少食炸香蕉，香脆嘅外面和软腍嘅香蕉，食落好特别，加上香浓椰子味嘅雪糕，一冻一热，一脆一软，对比强烈。
红桑子奶冻Raspberry panna cotta
心形士多啤梨，加上甜甜酸酸嘅红桑子酱汁，啱晒劲钟意食 Berries 嘅我。香滑嘅奶冻，入口即溶，好正呀！
总括而言，情人节套餐卖相精美，份量适中，食物也很有质素，加上环境气氛浪漫，确实系一个约会闲谈嘅好地方。张贴
