影片
更多
2011-02-17
624 浏览
情人节，有单身女性朋友搅单身女人饭局，一行 6 人。另一位朋友建议去佐敦香港童军中心嘅金陶轩食晚饭，因为之前帮衬过质素不裕！我哋尚未攞枱，侍应要求期中一位填 Form 做临时会员，纯粹做 record 㖞！其实为日后宣传之用。虽然枱与枱之间缺乏一点空间感，但系我觉得坐得都舒服！高背椅挂长褛 fit 哂！ 呢度属于会所酒楼，感觉比较一般酒楼清静及卫生！ 朋友发觉大部分食客为中年人，好似我哋系全场最 young 嘅一枱！见到餐牌，菜色精美！价钱合理！其中得奖菜色：紫袍罗汉海龙王 - 以紫菜及虾为食材，做得好精致，卖相好吸引！ 尽见师傅心思！当日9~13 度，呢度以瓷器放入蜡烛令热水保温，十分周到！同时，又方便了侍应！进食期间，侍应为我哋换咗两次碟。服务算不错！我哋点了好几道菜： 镇江肴肉最先上枱正是呢碟小食，卖相不错！令我食指带动！相信做法相当繁复！猪蹄肉跟啫喱状嘅冻混合一起，层次分明！有 12 件之多！可惜食起嚟肉质有点实绷绷！虚有其表！ 肴肉不太有肉味，可能被啫喱冻部分鲜甜味掩盖！ 蘸埋镇江醋，可增添风味！其实，唔系好多地方做得好！反而，我觉得霞飞做得唔错！我的食评 - 「霞飞」，可比
另一位朋友建议去佐敦香港童军中心嘅金陶轩食晚饭，因为之前帮衬过质素不裕！
我哋尚未攞枱，侍应要求期中一位填 Form 做临时会员，纯粹做 record 㖞！其实为日后宣传之用。
虽然枱与枱之间缺乏一点空间感，但系我觉得坐得都舒服！高背椅挂长褛 fit 哂！ 呢度属于会所酒楼，感觉比较一般酒楼清静及卫生！ 朋友发觉大部分食客为中年人，好似我哋系全场最 young 嘅一枱！
见到餐牌，菜色精美！价钱合理！
其中得奖菜色：紫袍罗汉海龙王 - 以紫菜及虾为食材，做得好精致，卖相好吸引！ 尽见师傅心思！
当日9~13 度，呢度以瓷器放入蜡烛令热水保温，十分周到！同时，又方便了侍应！进食期间，侍应为我哋换咗两次碟。服务算不错！
我哋点了好几道菜：
镇江肴肉最先上枱正是呢碟小食，卖相不错！令我食指带动！相信做法相当繁复！猪蹄肉跟啫喱状嘅冻混合一起，层次分明！有 12 件之多！可惜食起嚟肉质有点实绷绷！虚有其表！ 肴肉不太有肉味，可能被啫喱冻部分鲜甜味掩盖！ 蘸埋镇江醋，可增添风味！其实，唔系好多地方做得好！反而，我觉得霞飞做得唔错！
我的食评 - 「霞飞」，可比较一下！
http://www.openrice.com/restaurant/commentdetail.htm?commentid=2130673
蚬芥姜葱鱼云煲因为要用油爆姜葱，呢味菜十分油！确实爆得好香！好惹味！ 鱼云份量不少！而且够滑！以瓦煲盛住，食到尾仲热；不过，唯一食剩正是呢道菜！
豉蒜南瓜排骨煲
同是以瓦煲盛住，骤眼看，南瓜好似又硬又实！食落算粉，真不错！排骨够腍又够入味！加入豉蒜一齐煮，惹味非常！令我唔停手夹完一次又一次呀！况且，南瓜健康兼有益！对肠胃有帮助！
沙姜鸡有半只鸡，皮爽鸡肉嫩滑，而且咸味恰到好处！啱晒钟意食鸡嘅朋友！沙姜汁唔系想像中咁油，以滚油开，做得几幼滑！起码唔觉啲沙姜粉浆住。 咸味适中， 不过，沙姜味不太浓烈！
银鱼仔腰果炒三丝看似简单嘅一道菜，其实要高火快炒芽菜，才可保持爽脆，否则，芽菜会变腍及出水。三丝之中， 芽菜比例最多！还有少许肉丝及红萝卜丝；肉丝系淡味兼被梳打粉腌到白白地。 腰果炸得金黄松脆，可惜份量唔多！银鱼仔最后洒上碟，食落都几咸，与味淡嘅芽菜一齐食，有中和作用！
鲜冬菇枝竹扒小唐菜我发觉大家点了不少有肉嘅菜色，建议叫碟菜。相信这道菜比较竹笙菜苗更好味，恐怕竹笙太淡味，感觉太寡！朋友们不会喜欢。冬菇枝竹扒小唐菜，味道清淡！少油！健康之选！大大只鲜冬菇切片，较为软身，尚算入味。枝竹成本低！但系放得太少！ 大约每人一块！小唐菜一开二，整齐地排列；三种食物颜色配搭，增添一点视觉享受！
窝烧𫠒鱼鸡粒炒饭比预期中大窝！ 主要以𫠒鱼须及鸡柳切粒，配料实在少得很！炒饭炒得唔够干身！但味道不裕！加入些少葱粒，无疑可更添香味及滋味！ 食到尾仲系热热地，瓦煲比起用碟盛住，更能保温，值得一赞！
送：木瓜炖雪耳糖水甜品另一选择系红豆沙，大家拣哂木瓜炖雪耳糖水，唔系咁甜！适合大家口味！雪耳较软身，我嫌腍咗些少！加入北杏，北杏细小略带苦味，南杏比较大粒，两者煲汤最啱！连衣南杏更为健康！
茶芥：$12 / 位 ( 茶钱认真唔平！)系咁，就过咗一个无情人嘅情人节！
张贴
