大飯糖甜品小食屋 (已搬遷) 新店位置

情人节紧系要同男朋友食个甜甜的糖水先有气氛😍今日收工之后就同男朋友黎到 洪水桥既 大饭糖 食甜品😆可能大家都见情人节好多人呀！好彩早黎唔洗等位，有好多甜品都想食，而且甜品改名令人更加吸引！黑牛小时候的回忆，系茶餐厅特色食物之一，以朱古力雪糕配上可乐作 黑配黑，视觉同味觉的享受呀！芒果爷爷以「爷」取其识「椰」其实系芒果椰子啫喱雪糕，主要分为三层，雪糕、芒果、椰汁啫喱。芒果虽唔系当做季节，但好甜好熟！没有酸酸的未熟的感觉，仲要大大粒份量好多呀！椰汁啫喱有好香浓的椰汁味，清新解渴，可以清一清雪糕同芒果的甜腻感！心太软配榴梿球时间刚刚好，食完冻冰冰的黑牛同芒果爷爷？ 就想食啲热少少的，由于心太软系即焗关系，需要时间等待，而且甜品师傅好有心机，令到情人节更加幸福感觉喔！心太软流心效果控制得好好，加上唔算好甜的朱古力，中和番雪糕的甜！配上浓郁的榴梿球，冰火交融的感觉！整体黎讲，大饭糖的甜品令人好满足！除左真材实料之外，环境卫生都好干净，放置熟食酱汁的地方都是感觉良好的！