影片
更多
2018-02-15
199 浏览
其实好难得系openice揾到一间负皮多过正评的店，搞到我都忍不住讲讲呢间野。情人节的晚上，谂住同最爱街维园年宵所以去左天后食野，误打误撞入左呢间，入到黎先知咁多负评，所以冇抱一个希望，亦都因为咁，我们冇话刻意叫贵野、靓野去试，食的都系普通野。讲讲食物质素，分数：6-7分/10分整体黎讲唔系唔好食，但亦唔系好食，感觉其实都几放题feel,即系你系一间专食串烧的店食紧放题质素的串烧。粟米有两旧，不过我食左一旧先记得影相。其实佢净咁烧，如果加牛油会好食好多。烧三文鱼鲛，呢个系好食，亦系今晚入面最好食的，因为烧得就香口，鱼油香。呢个系墨鱼丸👍🏼唔系花枝丸烧韮菜好老，唔爽口，唔好食，芝士肠呢d大路野，就唔会出事的（4粒芝士肠为一串）另外仲叫左烧鸡翼，不过冇影相，其实本身想叫牛脷，但贵，最紧要系对呢间野信心唔大，所以放弃左😂另外仲叫左鱼生饭，6-7/10分呢个鱼生饭不过不失啦！不过都几少饭，可以多饭d就更好......讲完食物质素就讲服务，分数：5/10分其实待应冇咩得罪我地，对我地都算系咁，仲同我地讲情人节快乐，不过我见到隔离木台一家人叫左盘寿司，好耐都未上，催左好几次，侍应几次都敷衍，同埋有
情人节的晚上，谂住同最爱街维园年宵所以去左天后食野，误打误撞入左呢间，入到黎先知咁多负评，所以冇抱一个希望，亦都因为咁，我们冇话刻意叫贵野、靓野去试，食的都系普通野。
讲讲食物质素，分数：6-7分/10分
整体黎讲唔系唔好食，但亦唔系好食，感觉其实都几放题feel,即系你系一间专食串烧的店食紧放题质素的串烧。
粟米有两旧，不过我食左一旧先记得影相。其实佢净咁烧，如果加牛油会好食好多。
烧三文鱼鲛，呢个系好食，亦系今晚入面最好食的，因为烧得就香口，鱼油香。
呢个系墨鱼丸👍🏼唔系花枝丸
烧韮菜好老，唔爽口，唔好食，芝士肠呢d大路野，就唔会出事的（4粒芝士肠为一串）
另外仲叫左烧鸡翼，不过冇影相，其实本身想叫牛脷，但贵，最紧要系对呢间野信心唔大，所以放弃左😂
另外仲叫左鱼生饭，6-7/10分
呢个鱼生饭不过不失啦！不过都几少饭，可以多饭d就更好......
讲完食物质素就讲服务，分数：5/10分
其实待应冇咩得罪我地，对我地都算系咁，仲同我地讲情人节快乐，不过我见到隔离木台一家人叫左盘寿司，好耐都未上，催左好几次，侍应几次都敷衍，同埋有d𩠌都有上错木台，另外，出面等位的人都有怨言，因为唔知佢点分桌，又冇人派票排队，但又有好几班人无奈地等紧，到侍应出去问有冇二人时，几班人都举手，入左n转二人后，有一班3人的客有少少怨言觉得d桌分得乱（其实都系）感觉呢间野服务唔算好好。
最后餐牌系一个最骑呢的位，是咁的，写单order的纸同价钱牌是分开的，有一本野有晒食物相及价钱，order就系另一张纸，咁价钱本野系一串串咁讲个价钱，但order纸有d系以2串起，例如芝士肠，系order纸上写1，即系代表2串，如果要order1串，系要写0.5,真系o晒咀，会有好多人出现误会，有少少误导消费者成分啰！我见有食客不知不觉叫多左，到埋单先知咁贵
价钱方面真心贵贵地，我们食的野唔特别，亦唔系多，都37x埋单，如果质素高都冇所谓但佢未系话好高质，饭的款式亦少，我拣极都拣唔到食咩饭，最后仲比男朋友黑左我一秒面......
整体来说，经验唔算系好差，不过我都会比负评，因为呢间野唔值得再回头😂😂😂
PS祝各位情人节快乐，多谢我爱人同我食呢间野，虽然食的唔系最好的，但情人节最重要系身边的人依然肯花心机，去到咁远觅食，呢一个心机同埋诚意亦唔系五星级Buffett 可以取代到。
张贴
